«وتاندىق عىلىمداعى باستى ماسەلەلەردىڭ ءبىرى - عالىمدار جالاقىسىنىڭ تۇراقسىزدىعى. بۇگىندە عالىمدار جالاقىنى تەك عىلىمي كونكۋرستارعا قاتىسۋ ارقىلى عانا الادى. ال كونكۋرستار بىلتىرعا دەيىن 3 جىلدا 1 رەت قانا ءوتىپ وتىردى. سوندىقتان دا وسىعان دەيىن عالىمدار عىلىمي ينستيتۋتتىڭ قىزمەتكەرى جانە عىلىمي دارەجەسى بولسا دا, بايقاۋدا جەڭبەسە, جالاقىدان قۇر قالاتىن. سەبەبى قازىرگى زاڭعا سايكەس بازالىق قارجىلاندىرۋ كولەمىنە تەك اكىمشىلىك جانە تەحنيكالىق قىزمەتكەرلەردىڭ جالاقىسى جانە عيماراتتى ۇستاۋ شىعىنى عانا كىرەدى. وسى جاعدايدى وزگەرتۋ ءۇشىن پرەزيدەنت بازالىق قاراجات ەسەبىنە جەتەكشى عىلىمداردىڭ جالاقىسىن ەنگىزۋدى تاپسىردى.
بيىلعى جولداۋدا عالىمدارعا لايىقتى جالاقى تولەۋ ماسەلەسىن شەشۋ تاپسىرىلدى. 2020 جىلى عالىمداردىڭ ورتاشا جالاقىسى 152 مىڭ تەڭگەنى قۇرادى. وسى ورايدا مەملەكەت باسشىسىنىڭ تاپسىرماسىنا سايكەس, زاڭعا ءتيىستى وزگەرىستەر ەنگىزۋ ءۇشىن قارجى مينيسترىلىگىمەن بىرلەسىپ جۇمىس جاساپ جاتىرمىز», دەدى جاننا قۇرمانعاليەۆا وكق-دە وتكەن ءباسپاسوز ءماسليحاتىندا.
