سونداي-اق ب ۇلىكشىلەردىڭ باسشىسى شەكارالاردىڭ جابىلعانىن, ۇكىمەت پەن پارلامەنتتىڭ تاراتىلعانىن, كونستيتۋتسيانىڭ قولدانىلۋىن توقتاتا تۇرۋدى جاريالادى.
باسىلىمنىڭ مالىمەتىنشە, كوتەرىلىسشىلەر بۇكىل ەل بويىنشا كومەندانتتىق ساعات «ودان ءارى ەسكەرتىلگەنگە دەيىن», سونداي-اق گۋبەرناتورلاردى اسكەري قىزمەتكە اۋىستىرۋ تۋرالى جاريالادى.
ء«بىز ۇكىمەت پەن ينستيتۋتتاردى تاراتتىق. ءبىز كونستيتۋتسيانى بىرگە قايتا جازامىز. ءبىزدىڭ كۇشتەرىمىز گۆينەيانىڭ قۇرلىق جانە اۋە شەكارالارىن جاۋىپ تاستادى. جاقىندا وتپەلى ۇكىمەت قۇرىلادى. ساياسي ءومىردى جەكەلەندىرۋ اياقتالدى. ەندى ءبىز ءبىر ادامنىڭ ساياساتىنا سەنبەيمىز», دەدى دۋبايا.
ساربازدار جەرگىلىكتى ۋاقىت بويىنشا ساعات 11:00-دە كوناكريدە اسكەري قىزمەتكەرلەر كوندەنىڭ مينيسترلەر كابينەتىن جانە باسقا دا جوعارى لاۋازىمدى تۇلعالاردى جينايدى دەپ مالىمدەدى.
گۆينەيا استاناسى كوناكريدەگى پرەزيدەنت سارايىنىڭ جانىندا توڭكەرىس ارەكەتى تۋرالى حابارلانعاننان كەيىن وق اتىلدى. كەم دەگەندە ەكى ادام جاراقات الدى. وق تەك پرەزيدەنت سارايى عانا ەمەس, سونىمەن قاتار باسقا دا مەملەكەتتىك ورگاندار مەن مينيسترلىكتەر ورنالاسقان كالۋم تۇبەگىنىڭ ايماعىندا اتىلدى.
دەرەككوزدەردىڭ حابارلاۋىنشا, گۆينەيا پرەزيدەنتىن ارنايى كۇشتەر ۇستاعان. كوندەنىڭ اتىس سالدارىنان زارداپ شەكپەگەنى انىقتالدى, بىراق ونىڭ ناقتى ورنالاسقان جەرى ءالى بەلگىسىز.
ەلدەگى مەملەكەتتىك توڭكەرىستەن كەيىن جەرگىلىكتى تۇرعىندار بۇل وقيعانى كوشەدە تويلاي باستاعانى اتاپ ءوتىلدى.
«ادامدار كوپ زارداپ شەكتى, سۋ جوق, جارىق جوق, ءتىپتى كوشەلەر دە جوق! گۆينەيادا كوشە جوق, بۇل كۇلكىلى! ءبىز ءبارىمىز بۇدان شارشادىق», دەدى جەرگىلىكتى تۇرعىنداردىڭ ءبىرى.
كوندە گۆينەيانى 2010 جىلدان باستاپ باسقارىپ كەلەدى. 2020 جىلدىڭ قازان ايىندا ساياساتكەر كەزەكتى سايلاۋدا جەڭىسكە جەتتى. داۋىس بەرۋدەن كەيىن ەلدە تارتىپسىزدىكتەر ورىن الا باستادى.
