پارلامەنتارالىق وداق, اۆستريا پارلامەنتى بۇۇ-مەن ءوزارا ءىس-قيمىل كەزىندە ۇيىمداستىرعان فورۋمدا پارلامەنتشىلەر پاندەميادان كەيىنگى دامۋ, ونىڭ ىشىندە كليماتتىڭ وزگەرۋىمەن كۇرەسۋ جانە ەكولوگيالىق تۇراقتىلىقتى قامتاماسىز ەتۋ ءۇشىن ەكونوميكانى رەفورمالاۋ تۋرالى پىكىر الماسادى.
پارلامەنتشىلەر كوپجاقتى قاتىناستاردى نىعايتۋ, بەيبىتشىلىك پەن تۇراقتى دامۋدى قامتاماسىز ەتۋ ءۇشىن ديالوگ, ءوزارا تۇسىنىستىك جانە ىنتىماقتاستىق قاعيداتتارى نەگىزىندە نەگىزگى پارلامەنتتىك ارەكەتتەردى انىقتايدى.
نۇرلان نىعماتۋليننىڭ ەۋروپالىق جانە ازيالىق پارلامەنتتەر, حالىقارالىق پارلامەنتتىك ۇيىمدار باسشىلارىمەن, سونداي-اق ۇلتتىق دەلەگاتسيالار وكىلدەرىمەن بىرقاتار ەكىجاقتى كەزدەسۋلەرى كوزدەلگەن. پارلامەنت سپيكەرلەرىنىڭ دۇنيەجۇزىلىك كونفەرەنتسياسى قاۋىپسىزدىك, ەكونوميكالىق جانە الەۋمەتتىك دامۋ, حالىقارالىق قۇقىق جانە ادام قۇقىقتارى, دەموكراتيا جانە گەندەرلىك تەڭدىك ماسەلەلەرىن تالقىلاۋ ءۇشىن ۇسىنا وتىرىپ, ءاربىر بەس جىل سايىن وتكىزىلەدى.
