بۇل تۋرالى پرەزيدەنت قاسىم-جومارت توقاەۆتىڭ قازاقستان حالقىنا ارناعان «حالىق بىرلىگى جانە جۇيەلى رەفورمالار – ەل وركەندەۋىنىڭ نەگىزى» اتتى جولداۋىن تالقىلاعان جيىندا وبلىس اكىمى ماحامبەت دوسمۇحامبەتوۆ ءمالىم ەتتى.
«اتىراۋ وبلىسىندا 2022 جىلى گاز-حيميا كەشەنى قۇرىلىسىنىڭ ءبىرىنشى كەزەڭى ىسكە قوسىلىپ, 500 جۇمىس ورنى قۇرىلادى. پوليپروپيلەن ءونىمىنىڭ 90 پايىزى ەكسپورتتاۋ كوزدەلىپ وتىر. ال, 2024 جىلى پوليەتيلەنتەرەفتالات جانە تەرەفتال قىشقىلى ءوندىرىسىنىڭ قۇرىلىسى ىسكە قوسىلىپ, 230 جۇمىس ورنى اشىلادى», دەدى ماحامبەت دوسمۇحامبەتوۆ.
اكىمنىڭ ايتۋىنشا, بيىل اتىراۋ وبلىسىنا «قاراپايىم زاتتار ەكونوميكاسى» باعدارلاماسىمەن 650 ملن تەڭگە بولىنگەن. قازىر بۇل قارجى تولىق يگەرىلدى. سونداي-اق, 27,1 ملرد تەڭگەنى قۇرايتىن 67 جوبا ىسكە اسىرىلىپ جاتىر.
«ەكىنشى دەڭگەيلى بانكتەر مەن اگرارلىق نەسيە كورپوراتسياسى 11,2 ملرد تەڭگەنىڭ 49 جوباسىن ماقۇلدادى. سونىڭ ناتيجەسىندە 1175 جوبا قارجىلاندىرىلىپ, 3513 جۇمىس ورنى ساقتالدى. بۇعان قوسىمشا 1 237 جاڭا جۇمىس ورنىن قۇرۋ جوسپارلانۋدا. بيىل «جۇمىسپەن قامتۋدىڭ جول كارتاسى» مەملەكەتتىك باعدارلاماسىمەن 1 ملرد تەڭگە ءبولىندى. بۇل قارجىنى 238 بيزنەس-جوبانى قارجىلاندىرۋعا جاراتۋ كوزدەلىپ وتىر», دەدى وبلىس اكىمى ماحامبەت دوسمۇحامبەتوۆ.
