امرۋلا سالەح ءوزىنىڭ حابارلاماسىندا تالىبتەردىڭ گۋمانيتارلىق كومەككە توسقاۋىل بولۋ ارەكەتتەرى حالىقارالىق قۇقىق بويىنشا اسكەري قىلمىس بولىپ سانالاتىنىن اتاپ ءوتتى.
«ولار دارىگەرلەردى, ءدارى-دارمەكتەردى جانە تاماق ونىمدەرىن جىبەرۋگە تىيىم سالدى, مىڭداعان وتباسى مۇندا ولاردىڭ قىسىمىنان پانا تاپتى», دەپ جازدى ول.
سالەحتىڭ ايتۋىنشا, پروۆينتسيادا ۇيالى بايلانىس پەن ەلەكتر قۋاتى دا وشىرىلگەن. ول اۋعانستان بيلىگى «تاليبانعا» اۋرۋحانالارعا كىرۋگە ەشقاشان كەدەرگى جاساماعانىن ەسكە سالدى.
سالەح بۇۇ مەن الەم ەلدەرىن «تاليباننىڭ» ارەكەتىن ايىپتاۋعا شاقىردى.
پاندجشەر تاليباننىڭ باقىلاۋىنداعى جالعىز پروۆينتسيا بولىپ قالا بەردى, ول كابۋلدىڭ سولتۇستىك-شىعىسىنداعى تاۋلى جەردە ورنالاسقان. بەيسەنبىدە Al-Jazeera باسىلىمى تاليبان وپپوزيتسيا جەتەكشىسى احماد ماسۋدپەن كەلىسسوزدەر ءساتسىز اياقتالعاننان كەيىن پاندجشەر پروۆينتسياسىنداعى اۋعانستاننىڭ قارسىلاسۋ مايدانىنىڭ كۇشتەرىنە قارسى اسكەري وپەراتسيانى باستاۋعا شەشىم قابىلداعانىن حابارلادى.
