بيىل جىلداعىداي ەمەس, قار مول ءتۇسىپ, ۇسكىرىك اياز بەن قارلى بوران قاربالاس تۋدىرۋدا. اپتالاپ جاۋعان قاردىڭ ارتى اق تۇتەك بورانعا ۇلاسىپ, اۋدان ورتالىقتارىمەن جانە اۋىلدارمەن قاتىناس قيىندادى. وبلىستىق توتەنشە جاعدايلار دەپارتامەنتى ءباسپاسوز قىزمەتىنىڭ حابارلاۋىنشا, سوڭعى كۇندەرى ايماقتا اۋا رايىنىڭ بۇزىلۋىنا بايلانىستى دەپارتامەنتتىڭ جەدەل كەزەكشى ءبولىمى ۇيالى بايلانىس وپەراتورلارى ارقىلى حالىققا اۋا رايىنىڭ بۇزىلۋى, تاسجولداردىڭ جابىلۋى تۋرالى حابارلامالار جىبەرۋدى ۇردىسكە اينالدىرعان. جىل باسىنان بەرى ايماقتا وبلىستىق, رەسپۋبليكالىق ماڭىزى بار تاس جولداردى جابۋعا قاتىستى 12 جاعداي تىركەلگەن. وبلىستىق توتەنشە جاعدايلار دەپارتامەنتىنىڭ ءبولىمشەلەرى ارقىلى ايماقتا جىل باسىنان بەرى ون رەت ىزدەستىرۋ-قۇتقارۋ جۇمىستارى جۇرگىزىلىپتى. ءناتيجەسىندە, 900-دەن استام ادام قۇتقارىلعان. ونىڭ ءىشىندە 10 بالا جانە ەكى جۇكتى ايەل بار. بۇدان باسقا 500 تەحنيكا قار قۇرساۋىنان شىعارىلدى. بۇل جۇمىستارعا 45 ادام مەن 23 ارنايى تەحنيكا جۇمىلدىرىلىپتى.
بيىل جىلداعىداي ەمەس, قار مول ءتۇسىپ, ۇسكىرىك اياز بەن قارلى بوران قاربالاس تۋدىرۋدا. اپتالاپ جاۋعان قاردىڭ ارتى اق تۇتەك بورانعا ۇلاسىپ, اۋدان ورتالىقتارىمەن جانە اۋىلدارمەن قاتىناس قيىندادى. وبلىستىق توتەنشە جاعدايلار دەپارتامەنتى ءباسپاسوز قىزمەتىنىڭ حابارلاۋىنشا, سوڭعى كۇندەرى ايماقتا اۋا رايىنىڭ بۇزىلۋىنا بايلانىستى دەپارتامەنتتىڭ جەدەل كەزەكشى ءبولىمى ۇيالى بايلانىس وپەراتورلارى ارقىلى حالىققا اۋا رايىنىڭ بۇزىلۋى, تاسجولداردىڭ جابىلۋى تۋرالى حابارلامالار جىبەرۋدى ۇردىسكە اينالدىرعان. جىل باسىنان بەرى ايماقتا وبلىستىق, رەسپۋبليكالىق ماڭىزى بار تاس جولداردى جابۋعا قاتىستى 12 جاعداي تىركەلگەن. وبلىستىق توتەنشە جاعدايلار دەپارتامەنتىنىڭ ءبولىمشەلەرى ارقىلى ايماقتا جىل باسىنان بەرى ون رەت ىزدەستىرۋ-قۇتقارۋ جۇمىستارى جۇرگىزىلىپتى. ءناتيجەسىندە, 900-دەن استام ادام قۇتقارىلعان. ونىڭ ءىشىندە 10 بالا جانە ەكى جۇكتى ايەل بار. بۇدان باسقا 500 تەحنيكا قار قۇرساۋىنان شىعارىلدى. بۇل جۇمىستارعا 45 ادام مەن 23 ارنايى تەحنيكا جۇمىلدىرىلىپتى.
بيىل ايماقتا اق تۇتەك بوراننان اداسىپ, ارتى قايعىمەن اياقتالعان ەكى جاعداي تىركەلىپتى. 17 قاڭتار كۇنى العا اۋدانىنىڭ قاراعاش اۋىلدىق وكرۋگىنە قاراستى نۇربۇلاق اۋىلىنان 1964 جىلى تۋعان ازاماتتىڭ جوعالعانى تۋرالى اقپارات كەلىپ تۇسكەن. ىزدەستىرۋ شارالارىنىڭ ناتيجەسىندە وسى اۋىلدان 4 شاقىرىم قاشىقتىقتاعى بەيىتتىڭ جانىنان جوعالعان ازاماتتىڭ ءمايىتى تابىلعان. ال ەكىنشى جاعدايدا 21 قاڭتار كۇنى 10 ساعات 45 مينۋتتا ايتەكە بي اۋداندىق №7 ءورت ءسوندىرۋ بولىمىنە 18 قاڭتار كۇنى قارابۇتاق اۋىلىنان «نادەن» قىستاعىنا قاراي ەكى ادامنىڭ جاياۋ شىعىپ, ءىز-ءتۇزسىز جوعالعانى تۋرالى حابار تۇسەدى. ءىزدەستىرۋ-قۇتقارۋ جۇمىستارىنا وبلىستىق «جەدەل قۇتقارۋ جاساعى» مەملەكەتتىك مەكەمەسىنىڭ جەكە قۇرامىنان 3 ادام مەن ءبىر تەحنيكا جۇمىلدىرىلىپ, ىزدەستىرۋ جۇمىستارى بارىسىندا ەكى قولى مەن اياعىن ۇسىك شالعان 1974 جىلى تۋعان ازامات ايتەكە بي اۋداندىق ورتالىق اۋرۋحاناسىنا جەتكىزىلدى. ال ەڭبەكتۋ ەلدى مەكەنى ماڭىنان 1979 جىلى تۋعان ازاماتتىڭ ءمايىتى تابىلعان.
قازىرگى ۋاقىتتا وبلىس اۋماعىندا قار جاۋىپ, بوران تۇرۋىنا بايلانىستى توتەنشە جاعدايلار دەپارتامەنتى قىزمەتكەرلەرى تاۋلىك بويى تاسجولداردا قۇتقارۋ جۇمىستارىن جالعاستىرۋدا.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.
