بۇل تۋرالى كتك تەلەارناسى حابارلادى.
ەكس-شەنەۋنىككە مەديتسينا قىزمەتكەرلەرىنە بەتپەردە ساتىپ الۋ كەزىندە مەملەكەت مۇلكىن ۇرلادى دەگەن ايىپ تاعىلعان ەدى. ساۋىردە باستالعان ىسكە كەشە بوستاندىق اۋداندىق سوتى نۇكتە قويدى.
سوت شەشىمى بويىنشا اسەل بەيسەنباەۆا مەملەكەتتىك ساتىپ الۋ كەزىندە 4 ملن دانا ماسكانى 230 ملن تەڭگەگە زاڭبۇزۋشىلىق جولمەن العان. بۇل ىستە ودان بولەك 5 ادام تەرگەلدى. بارلىعى 7 جانە 7,5 جىل كولەمىندە جازا ارقالادى. بىراق, بيسەنباەۆا كىناسىن مويىندامادى. ايتۋىنشا, ونىڭ ەلەكتروندى تسيفرلىق قولتاڭباسىن باسقالار پايدالانعان. ونلاين قول كويۋ كەزىندە اكىمدىكتە جينالىستا بولعانى دالەلدەنسە دە, ول ەسەپكە الىنباعانىن ايتادى. تىپتەن, سول كەزدەگى تىكەلەي باسشىسى كامالجان نادىروۆ ونىڭ كەتۋىن تالاپ ەتىپ, ارتىنا شام الىپ تۇسكەنىن العا تارتتى.
«نادىروۆ ءوزىنىڭ ەلەكتروندىق قولتاڭباسىن مەملەكەتتىك ساتىپ الۋ پورتالىندا قول قويۋعا بەرمەي قويعان. ال, ماعان شۇعىل جۇمىستى ءبىتىرۋ كەرەك دەپ كەلگەن ارىپتەسىم ءبارى زاڭ جۇزىندە, كەپىل بولامىن دەگەن سوڭ سەندىم. ول كەزدە مەديتسينا قىزمەتكەرلەرىن اس-سۋمەن قامتۋ كەرەك بولاتىن. كەيىن پروكۋراتۋرا العان بەتپەردەلەردىڭ تالاپقا ساي كەلمەيتىنى انىقتالدى. مەنى زاڭسىز سوتتادى. ەل پرەزيدەنتىنەن قۇقىعىمدى قورعاۋىن سۇرايمىن! قالالىق سوتقا اپەللياتسيالىق شاعىم تۇسىرەمىز!», دەدى اسەل بەيسەنباەۆا.
