ەلدەگى ەڭ تانىمال ساياساتكەرلەردىڭ ءبىرى پرەزيدەنت رۋمەن رادەۆ جاڭا بەس جىلدىق مەرزىمگە سايلاۋعا تۇسەتىنىن مالىمدەدى. ونى سوتسياليستەر جانە سوڭعى پارلامەنتتىك سايلاۋدىڭ جەڭىمپازى «مۇنداي حالىق بار» پارتياسى (ITN) قولداپ وتىر. باسقا پارتيالار ءوز كانديداتتارىن ءالى اتاعان جوق.
ايتا كەتەيىك, 11 شىلدەدە بولگاريادا كەزەكتەن تىس پارلامەنتتىك سايلاۋ وتكەن ەدى. ايگىلى جۇرگىزۋشى جانە ءانشى سلاۆي تريفونوۆتىڭ «مۇنداي حالىق بار» پارتياسى بۇرىنعى پرەمەر-مينيستر بويك بوريسوۆتىڭ «گەرب» ساياسي كۇشتەرىن از عانا ايىرماشىلىقپەن جەڭگەن بولاتىن.
س.تريفونوۆ سايلاۋ جارىسى كەزىندە ءوزىن ادال ساياساتكەر, مافيا مەن جەمقورلىققا قارسى كۇرەسۋشى رەتىندە كورسەتتى. الايدا ول قابىلەتتى كواليتسياعا جەتكىلىكتى قولداۋ كورسەتە الماعانى تۋرالى مالىمدەدى.
