پرەزيدەنت نۇرسۇلتان نازارباەۆ كورنەكتى اقىن, قوعام قايراتكەرى فاريزا وڭعارسىنوۆانىڭ قايتىس بولۋىنا بايلانىستى تۋعان-تۋىستارىنا كوڭىل ايتۋ جەدەلحاتىن جولدادى, دەپ حابارلادى پرەزيدەنتتىڭ ءباسپاسوز قىزمەتى.
پرەزيدەنت نۇرسۇلتان نازارباەۆ كورنەكتى اقىن, قوعام قايراتكەرى فاريزا وڭعارسىنوۆانىڭ قايتىس بولۋىنا بايلانىستى تۋعان-تۋىستارىنا كوڭىل ايتۋ جەدەلحاتىن جولدادى, دەپ حابارلادى پرەزيدەنتتىڭ ءباسپاسوز قىزمەتى.
مەملەكەت باسشىسى فاريزا وڭعارسىنوۆانىڭ ۇلتتىق پوەزيامىزعا وزگەشە لەپ اكەلگەن ەرەكشە دارىن يەسى ەكەنىن اتاپ وتكەن.
«ونىڭ قالامىنان تۋعان نازىك تە وتتى جىرلار ءاردايىم حالقىمىزدىڭ جان-جۇرەگىن ەرىكسىز باۋراپ الاتىن. ونىڭ ولەڭدەرىنەن وزىنە ءتان ءور مىنەزى, ءورشىل رۋحى, ادام جانىنىڭ تەرەڭ قالتارىستارىنا ءجىتى ءۇڭىلىپ, سونى تاڭعالارلىقتاي شەبەرلىكپەن اشا بىلەتىن قۋاتتى تالانت تەگەۋرىنى ايقىن سەزىلىپ تۇراتىن. سوندىقتان دا قازاقستان حالقى اقيىق اقىن, تاماشا جۋرناليست جانە ەلىمىزدىڭ كورنەكتى قايراتكەرىن ەرەكشە قادىرلەدى», – دەلىنگەن جەدەلحاتتا.
جەدەلحاتتا اقىننىڭ قوعام دامۋىنا قوسقان ەرەكشە ەڭبەگى ءۇشىن قازاقستاننىڭ جوعارى مەملەكەتتىك ناگرادالارىنا يە بولعانى اتاپ وتىلگەن. سونداي-اق, حالقىمىزدىڭ وزىنە كورسەتكەن زور سەنىمى ارقاسىندا فاريزا وڭعارسىنوۆا پارلامەنت ءماجىلىسىنىڭ دەپۋتاتى بولىپ سايلانعان.
مەملەكەت باسشىسى اقىننىڭ ەسىمى ۇمىتىلمايتىنىنا, ال ونىڭ شىعارمالارى قازاقستان حالقىنىڭ جادىندا ءاردايىم ساقتالا بەرەتىنىنە سەنىم بىلدىرگەن.
