الەم • 03 قىركۇيەك، 2021

ۇلىبريتانيا اۋعان بوسقىندارىن جارىلقاماق: 40 ميلليون دوللاردان استام قاراجات

59 رەت كورسەتىلدى

ۇلىبريتانيا اۋعانستاننىڭ كورشى ەلدەرىنە 40 ميلليون دوللار بولەدى. ەل بيلىگى ونى اۋعان بوسقىندارىن قابىلداۋعا كومەك رەتىندە اۋداراتىنىن حابارلادى، دەپ جازادى  Egemen.kz.

بۇل تۋرالى 3 قىركۇيەكتە ۇلىبريتانيا سىرتقى ىستەر مينيسترلىگىنىڭ سايتىندا حابارلاندى.

تاسس اگەنتتىگىنىڭ جازۋىنشا، اڭگىمە پاكىستان، يران، تاجىكستان، وزبەكستان مەن تۇركىمەنستان تۋرالى بولىپ وتىر. قاراجات باسپانا مەن سانيتارلىق قوندىرعىلار ۇيىمداستىرۋعا جۇمسالادى.

لوندون اۋعان بوسقىندارىنا كومەك رەتىندە بۇۇ-نىڭ بوسقىندار ءىسى جونىندەگى جوعارعى كوميسسارىن قوسا العاندا، بىرقاتار گۋمانيتارلىق ۇيىمنىڭ شوتىنا تاعى 10 ميلليون فۋنت ستەرلينگ اۋدارماقشى.

ء«بىز اۋعانستاننان قاشىپ جۇرگەندەرگە كومەكتەسۋىمىز جانە داعدارىستىڭ ايماقتىق تۇراقتىلىققا نۇقسان كەلتىرۋىنە جول بەرمەۋىمىز كەرەك. سوندىقتان بۇل قۇتقارۋ قۇرالدارىنىڭ ماڭىزى وتە زور. ول اۋعان بوسقىندارىن باسپانا مەن سانيتارلىق قۇرالدارمەن قامتاماسىز ەتۋ ءۇشىن قاجەت»، دەدى ۇلىبريتانيانىڭ سىرتقى ىستەر ءمينيسترى رااب.

رااب ءبىر كۇن بۇرىن كاتاردا بولعان جانە جۇمادا پاكىستانعا ساپارى جوسپارلانعان.

14 ساۋىردە اقش پرەزيدەنتى دجو بايدەن اۋعانستانداعى وپەراتسيانى توقتاتۋ تۋرالى شەشىمىن جاريالادى. وسىدان كەيىن تاليبان ەلگە باقىلاۋ ورناتۋ ءۇشىن اۋقىمدى وپەراتسيا باستادى جانە 15 تامىزدا كابۋلعا ۇرىسسىز كىردى. اۋعانستان پرەزيدەنتى اشراف عاني ەلدەن كەتتى.

سوڭعى جاڭالىقتار

جەتى وڭىردە 2 گرادۋس ۇسىك جۇرەدى

اۋا رايى • بۇگىن، 18:48

دوللار ارزاندادى

ەكونوميكا • بۇگىن، 15:50

ۇقساس جاڭالىقتار