«ادامدار تەمىرجولعا جاقىن ماڭدا مال جايۋ ەرەجەسىن ساقتامايدى. بۇل قوزعالىس قاۋىپسىزدىگىنە تىكەلەي قاۋىپ توندىرەدى», دەيدى «قتج» قوزعالىس قاۋىپسىزدىگى دەپارتامەنتىنىڭ ديرەكتورى مارات شاكەنوۆ.
وسىعان بايلانىستى جىل سايىن تەمىرجول بويىن مالدان قورعاۋ ءۇشىن 800-1000 شاقىرىم قورشاۋلار ورناتىلادى. بيىل تەمىرجولشىلار تەمىر جولدىڭ جانىندا ورنالاسقان 47 مىڭنان استام ەلدى مەكەن تۇرعىنىن قاۋىپسىزدىك ەرەجەسىمەن تانىستىردى.
قتج تەمىرجول بويىندا قاراۋسىز جايىلىپ جۇرگەن مال ءۇشىن ايىپپۇل قاراستىرىلعانىن, سونىمەن قاتار, مال يەلەرى پويىز قوزعالىسىنا كەدەرگى كەلتىرگەنى جانە جىلجىمالى قۇرامعا زيان كەلتىرگەنى ءۇشىن جاۋاپكەرشىلىككە تارتىلۋى مۇمكىن ەكەنىن ەسكە سالادى.
