ەكونوميكا • 02 قىركۇيەك، 2021

قازاقستاندا 3 گاز جوباسى جۇزەگە اسىرىلادى

84 رەت كورسەتىلدى

مەملەكەت باسشىسىنىڭ جولداۋىنداعى تاپسىرمالاردى ورىنداۋعا ارنالعان ۇكىمەت وتىرىسىندا ەنەرگەتيكا ءمينيسترى نۇرلان نوعاەۆ 3 گاز جوباسىن جۇزەگە اسىرۋ جوسپارى تۋرالى ايتتى، دەپ حابارلايدى Egemen.kz.

ونىڭ ايتۋىنشا، مەملەكەت باسشىسىنىڭ تاپسىرماسىن ورىنداۋ ماقساتىندا 3 گاز جوباسىن جۇزەگە اسىرۋ جوسپارلانعان.

ءبىرىنشى جوبا – قاشاعان كەن ورنىندا جىلىنا 1 ملرد تەكشە مەتر شيكى گازدى قايتا وڭدەۋ قۋاتى بار گاز وڭدەۋ زاۋىتىن سالۋ. قازىرگى ۋاقىتتا الاڭدا قۇرىلىس-مونتاجداۋ جۇمىستارى جۇرگىزىلىپ جاتىر. جوبانى ىسكە اسىرۋ 2041 جىلعا دەيىنگى كەزەڭدە قوسىمشا 10 ملن توننا مۇناي وندىرۋگە، سونداي-اق جىلىنا 800 ملن تەكشە مەترگە دەيىن تاۋارلىق گاز وندىرۋگە مۇمكىندىك بەرەدى.

«سونىمەن قاتار، بۇگىنگى تاڭدا «ماقات – سولتۇستىك كاۆكاز» جانە «وكارەم-بەينەۋ» ماگيسترالدىق گاز قۇبىرلارى قازاقستاننىڭ باتىس وڭىرلەرىندەگى تۇتىنۋشىلاردى گازبەن جابدىقتاۋدى قامتاماسىز ەتۋدە. بۇل گاز قۇبىرلارى كەڭەس زامانىندا ءبىر جەلىلىك باعىتتا سالىنعان، ءوزىنىڭ پايدالانۋ رەسۋرسىن وتەپ بولدى جانە دياگنوستيكالىق زەرتتەۋ ناتيجەلەرى بويىنشا ولاردىڭ كوپتەگەن اقاۋلارى بار. وسىعان بايلانىستى ەنەرگەتيكالىق قاۋىپسىزدىكتى قامتاماسىز ەتۋ جانە وڭىرلەردىڭ گازعا دەگەن ءوسىپ كەلە جاتقان قاجەتتىلىگى ءۇشىن گازدىڭ قوسىمشا كولەمىن تاسىمالداۋ ماقساتىندا «ماقات – سولتۇستىك كاۆكاز» ماگيسترالدىق گاز قۇبىرىنىڭ لۋپينگىن جانە «بەينەۋ-جاڭاوزەن» ماگيسترالدىق گاز قۇبىرىنىڭ 2-ءشى جەلىسىن سالۋ جوسپارلانۋدا. جالپى، قازىرگى ۋاقىتتا بارلىق 3 گاز جوباسى بويىنشا جوبالاۋ-سمەتالىق قۇجاتتاما ازىرلەندى جانە ىسكە اسىرۋدىڭ پراكتيكالىق بولىگى، ونىڭ ىشىندە جوعارىدا كورسەتىلگەن جوبالاردى قارجىلاندىرۋعا بايلانىستى جۇمىستار جۇرگىزىلىپ جاتىر»، دەدى مينيستر.

 

سوڭعى جاڭالىقتار

جەتى ءتۇرلى ءسوز

ادەبيەت • كەشە

انتىنا ادال ازامات

قازاقستان • كەشە

ەلوردا كۇنىنە تارتۋ

تەاتر • كەشە

ۇقساس جاڭالىقتار