اقتوبە قالاسىندا كەشە 6 مەكتەپتە العاشقى قوڭىراۋ سالتاناتى وتپەدى. پوليتسيا قىزمەتكەرلەرى مەن ساپەرلار جەدەل قيمىلداپ, ىزدەۋ جۇمىستارىن جۇرگىزدى. سونىمەن بىرگە قىلمىستىق ءىس تە قوزعالدى. الايدا بۇگىن تاعى دا ءبىرىنشى كەزەڭدە وقيتىن بالالاردىڭ ساباعى بولماي قالدى.
وبلىستىق ءبىلىم باسقارماسىنىڭ حابارلاۋىنشا, تاعى دا «№2, 1, 2, 21, 22, 51, 56 ورتا مەكتەپتەردە بومبا بار» دەگەن حابارلاما ءتۇسىپ, ىزدەۋ شارالارى جۇرگىزىلدى.
«كەشەگى مەكتەپتەرگە سونداي ماتىنمەن ەرتەمەن تاعى دا حات ءتۇستى. ءتيىستى ورگاندارعا حابارلاما بەردىك. تەكسەرۋ شارالارى جۇرگىزىلۋدە», دەپ جازىلعان باسقارما تاراتقان حابارلامادا.
