بايزاق اۋدانىندا ماكارون جانە ۇن ونىمدەرىن وندىرەتىن «ROLA-7» كومپانياسى بىرنەشە جىلدان بەرى جۇمىس ىستەپ كەلەدى. ول كۇنىنە 5 توننا ءونىم وندىرەدى.
بايزاق اۋدانىندا ماكارون جانە ۇن ونىمدەرىن وندىرەتىن «ROLA-7» كومپانياسى بىرنەشە جىلدان بەرى جۇمىس ىستەپ كەلەدى. ول كۇنىنە 5 توننا ءونىم وندىرەدى.
ىستەرى ىلگەرى باسقان «ROLA-7» كومپانياسى «بيزنەستىڭ جول كارتاسى-2020» باعدارلاماسى اياسىندا 48 ميلليون تەڭگەگە جاڭا قۇرال-جابدىقتار ساتىپ الۋدى جوسپارلاپ وتىر. كومپانيادا قازىر 131 ادام ەڭبەك ەتەدى.
ال اۋدانداعى «اۋليەاتا-فەنيكس» جشس ەت ءوندىرۋ باعىتىنداعى قۇس فابريكاسىنىڭ قۇرىلىسىن جۇرگىزۋدە. جاڭا ءوندىرىس نىسانىنىڭ قۇنى 1,16 ميلليارد تەڭگە. جوبا جۇزەگە اسقان كەزدە مۇندا جوعارى تەحنولوگيالىق ادىسپەن جىلىنا 3200 توننا قۇس ەتى وڭدەلەتىن بولادى. قازىر مۇندا 102 ادام جۇمىسپەن قامتىلعان.
كوسەمالى ساتتىباي ۇلى,
«ەگەمەن قازاقستان».
جامبىل وبلىسى, بايزاق اۋدانى,
سارىكەمەر اۋىلى.
