«مەملەكەت باسشىسى قازاقستان حالقىنا جولداۋى اياسىندا جوعارى ساپالى ەكونوميكالىق ءوسۋدى قامتاماسىز ەتۋ مەن حالىقتىڭ تۇرمىسىن جاقسارتۋ بويىنشا ناقتى مىندەتتەر قويدى», دەدى اسەت ەرعاليەۆ ۇكىمەت وتىرىسى بارىسىندا.
مينيستر جولداۋ اياسىندا بارلىعى 70-كە جۋىق تاپسىرما بەرىلگەنىن اتاپ ءوتتى.
«قابىلداناتىن التى زاڭ بار. بۇل سترەسستى اكتيۆتەردى ەكونوميكالىق اينالىمعا قايتارۋ تۋرالى, جەكە قوسالقى شارۋاشىلىقتار تۋرالى, اگلومەراتسيالاردى دامىتۋ تۋرالى, عىلىمدى دامىتۋ تۋرالى, كاسىبي بىلىكتىلىك تۋرالى زاڭدار. سالىق جانە بيۋدجەت كودەكستەرىنە دە وزگەرىستەر ەنگىزەمىز», دەدى قر ۇەم باسشىسى.
بۇل رەتتە مەملەكەتتىك قارجىنى باسقارۋ تۇجىرىمداماسى, كوشى-قون ساياساتى, سونداي-اق وتباسىلىق جانە گەندەرلىك ساياسات تۋرالى ءۇش تۇجىرىمدامانى بەكىتۋ جوسپارلانعان.
اسەت ەرعاليەۆتىڭ ايتۋىنشا, ءار ايماق ءۇشىن ينفراقۇرىلىمدى دامىتۋ باعدارلاماسى ازىرلەنەتىن بولادى.
