29 تامىزدا تەمىرتاۋ قالاسىنىڭ بەيبىتشىلىك داڭعىلىنداعى پاتەرلەردىڭ بىرىندە 35 جاستاعى ەر ادامنىڭ ءمايىتى تابىلدى.
«جەدەل-ىزدەستىرۋ ءىس-شارالارى بارىسىندا پوليتسيا اتالعان قىلمىسقا قاتىسى بار دەگەن كۇدىكپەن 68 جاستاعى ەر ادامدى ۇستادى. ول مارقۇمنىڭ اكەسى بولىپ شىقتى. اكەسى ءوزارا تۋىنداعان جانجال بارىسىندا ۇلىنا پىشاق سالعانىن مويىندادى», دەپ حابارلادى قاراعاندى وبلىسى پوليتسيا دەپارتامەنتىنىڭ ءباسپاسوز قىزمەتى.
اتالعان فاكتى بويىنشا قر قك 99-بابى 1-بولىگى «ادام ءولتىرۋ» بويىنشا قىلمىستىق ءىس تىركەلدى.
كۇدىكتى ۋاقىتشا ۇستاۋ يزولياتورىنا قامالدى. تەرگەۋ امالدارى جۇرگىزىلىپ جاتىر.
