جەكە, قوسالقى شارۋالاردىڭ مال شارۋاشىلىعىنا قولجەتىمدى جاعداي جاسالۋ كەرەك. بۇل تۇرعىسىندا پرەزيدەنت ۇكىمەتكە جاڭا زاڭ جاساقتاۋدى تاپسىردى.
«ۆەتەرەناريا سالاسىن رەفورمالاۋ كەرەك. وسى سالاداعى مامانداردىڭ جالاقىسىن كوتەرۋ ماسەلەسى كوتەرىلدى. سۋبسيديالاۋعا 2 تريلليون قارجى بولىنگەن. سۋبسيديا شاعىن جانە ورتا كاسىپكەرلەرگە قولجەتىمدى بولۋ كەرەك», دەدى پرەزيدەنت.
مال شارۋاشىلىعى سالاسىنداعى ماسەلەلەردى شەشۋ ۇكىمەت پەن بايتەرەك حولدينگىنە تاپسىرىلدى.
ەستەرىڭىزگە سالا كەتسەك, مەملەكەت باسشىسى وتكەن جىلى دا جولداۋىن 1 قىركۇيەكتە جاريا ەتكەن ەدى. «جاڭا جاعدايداعى قازاقستان: ءىس-قيمىل كەزەڭى» دەپ اتالاتىن جولداۋ مەملەكەتتىك باسقارۋدىڭ جاڭا مودەلى, جاڭا جاعدايداعى ەكونوميكالىق دامۋ, تەڭگەرىمدى اۋماقتىق دامۋ, ازاماتتاردىڭ الەۋمەتتىك ءال-اۋقاتى, قولجەتىمدى ءارى ساپالى ءبىلىم, دەنساۋلىق ساقتاۋ جۇيەسىن دامىتۋ, ەكولوگيا جانە بيوالۋانتۇرلىلىكتى قورعاۋ, ازاماتتاردىڭ مۇددەسىن قورعاۋ, تسيفرلاندىرۋ, ازاماتتاردى مەملەكەتتى باسقارۋ ىسىنە تارتۋ, ۇلتتىڭ جاڭا بولمىسى باعىتتارىن قامتىدى.
