قوعام • 31 تامىز، 2021

تۇرمىستىق زورلىق-زومبىلىق قۇرباندارىنا قانداي كومەك كورسەتىلەدى؟

63 رەت كورسەتىلدى

الماتى قالالىق الەۋمەتتىك ءال-اۋقات باسقارماسىنىڭ باسشىسى نازيرا توعىزباەۆا ونلاين بريفينگ بارىسىندا قالادا تۇرمىستىق زورلىق-زومبىلىق ماسەلەسى جايىن قوزعادى، دەپ حابارلايدى Egemen.kz.

الماتىدا زورلىق-زومبىلىقتان زارداپ شەككەن ايەلدەرگە كومەك كورسەتىلەتىن «جان سايا» داعدارىس ورتالىعى جۇمىس ىستەيدى. 2017 جىلى اشىلعان ورتالىققا بيىل 75 ايەل مەن 157 بالا ءوتىنىش بەرگەن.

«مۇندا زارداپ شەككەندەرگە باسپانا، قۇقىقتىق، پسيحولوگيالىق جانە الەۋمەتتىك قولداۋ كورسەتىلەدى. ورتالىق قابىرعالارىندا بالالارعا ارنالعان ءتۇرلى ءىس-شارالار وتكىزىلەدى. سونداي-اق قالادا تۇرعىلىقتى جەرى جوق ادامدار ءۇشىن قۇرىلعان «پانا» الەۋمەتتىك قىزمەت كورسەتۋ ورتالىعى جۇمىس ىستەيدى. جىل باسىنان بەرى 466 ادامعا الەۋمەتتىك كومەك كورسەتىلدى، ولاردىڭ بارلىعى ۋاقىتشا تۇرعىن ۇيمەن قامتاماسىز ەتىلدى»، دەپ ءتۇسىندىردى باسقارما باسشىسى.

ورتالىق ماماندارى زارداپ شەككەندەردىڭ قۇجاتتارىن قالپىنا كەلتىرۋگە كومەكتەسەدى.

«الماتىدا جالعىزباستى زەينەتكەرلەر، مۇگەدەكتەر، زەينەتكەرلىك جاستاعى ەرلى-زايىپتىلار ءۇشىن ەلىمىزدەگى ەرەكشە «قامقور» الەۋمەتتىك ءۇيى جۇمىس ىستەيدى. بۇگىنگى تاڭدا 50 ادام الەۋمەتتىك ءۇيدى پانا ەتۋدە. تۋىستارىنىڭ قاراۋىنسىز قالعان تۇرعىندار پاتەرلەرىن مەملەكەت مەنشىگىنە وتكىزىپ، وسى ۇيگە كوشە الادى»، دەدى نازيرا توعىزباەۆا.

سوڭعى جاڭالىقتار

دوللار ارزاندادى

قارجى • بۇگىن، 16:22

شىمكەنتتە دە LRT سالىنۋى مۇمكىن

ايماقتار • بۇگىن، 12:50

دوللار باعاسى تاعى قىمباتتادى

ەكونوميكا • بۇگىن، 10:32

ۇقساس جاڭالىقتار