«وتباسىنداعى تۇرمىستىق زورلىق-زومبىلىق تەك جابىرلەنۋشىلەردىڭ قۇقىعىن عانا بۇزىپ قويماي, وسكەلەڭ ۇرپاق ءۇشىن تەرىس ۇلگى بولىپ كەلەدى. ايەلدەرگە قاتىستى زورلىق-زومبىلىقتىڭ ورىن الۋىنا ەر ازاماتتاردىڭ الكوگولدىك ىشىمدىككە تاۋەلدى بولۋى ەڭ نەگىزگى فاكتور بولىپ, ناتيجەسىندە وتباسىلارىنىڭ شاڭىراعى بۇزىلىپ, بالالار زارداپ شەگەدى», دەپ جازادى Polisia.kz.
«2021 جىلى اتىراۋ قالاسى پوليتسيا باسقارماسى جەرگىلىكتى پوليتسيا قىزمەتكەرلەرىمەن وتباسى-تۇرمىس سالاسىندا 800-گە جۋىق اكىمشىلىك قۇقىقبۇزۋشىلىقتار انىقتالىپ, قر اقبتك-ءنىڭ 73-بابىمەن اكىمشىلىك جاۋاپكەرشىلىككە تارتىلدى. ودان باسقا, مىڭعا جۋىق قورعاۋ نۇسقاماسى بەرىلىپ, ۋچاسكەلىك پوليتسيا ينسپەكتورلارىنىڭ ۇسىنىستارىنىڭ نەگىزىندە سوت شەشىمىمەن 300-گە جۋىق تۇلعانىڭ مىنەز-قۇلقىنا ەرەكشە تالاپتار بەلگىلەندى», دەدى اتىراۋ وبلىسى پوليتسيا دەپارتامەنتىنىڭ باستىعى قامزا ۇمبەتقاليەۆ.
