بۇل تۋرالى قر قما ءباسپاسوز قىزمەتى مالىمدەدى.
جەدەل-تەرگەۋ ءىس-شارالارى بارىسىندا 2017 جىلى «بەينەۋ اۋداندىق قۇرىلىس ءبولىمى» مم جانە مەردىگەر ۇيىم اراسىندا ماڭعىستاۋ وبلىسى, بەينەۋ اۋدانى, سارعا اۋىلىندا 477,6 ميلليون تەڭگە سوماسىنا سۋ تازارتقىش قوندىرعىسى مەن اۋىلارالىق سۋ قۇبىرى قۇرىلىسىنا مەملەكەتتىك ساتىپ الۋ شارتى جاسالعانى انىقتالدى.
سوت-قۇرىلىس ساراپتاماسىنىڭ قورىتىندىسىنا سايكەس اتقارىلماعان جۇمىستاردىڭ سوماسى 203,6 ميلليون تەڭگەنى قۇرايدى.
مەملەكەتتىك مەكەمەلەردىڭ قۇرىلىمدىق بولىمشەلەرىنىڭ جانە قۇرىلىس سالاسىنداعى مەردىگەرلىك ۇيىمداردىڭ باسشىلارى تۇلعاسىنداعى كۇدىكتىلەر ۇستالىپ, ۋاقىتشا ۇستاۋ يزولياتورىنا قاماعا الىندى.
تەرگەۋ جالعاسۋدا. تەرگەۋ مۇددەسىنە وراي وزگە اقپارات جاريا ەتۋگە جاتپايدى.
