«تاليبان» راديكالدى قوزعالىسىنىڭ وكىلى (قازاقستان مەن باسقا ەلدەردىڭ اۋماعىندا تىيىم سالىنعان ۇيىم) زابيۋللا مۋجاحيد امەريكالىق اسكەرلەردى شىعارۋ اياقتالعاننان كەيىن اۋعانستان تولىق تاۋەلسىزدىككە قول جەتكىزدى دەپ مالىمدەدى.
سوڭعى امەريكالىق ساربازدار بۇگىن اۋعان ۋاقىتىمەن ءتۇن ورتاسىندا كابۋل اۋەجايىنان شىقتى. وسىلايشا ءبىزدىڭ ەل اقىرىندا بوستاندىق الىپ, تولىق تاۋەلسىزدىككە قول جەتكىزدى, دەپ جازدى زابيۋللا مۋجاحيد Twitter-دە.
بۇعان دەيىن اقش قورعانىس مينيسترلىگىنىڭ وكىلى گەنەرال ماككەنزي اۋعانستاننان امەريكالىق اسكەرلەردى شىعارۋ اياقتالعانىن جانە اقش-تىڭ ەلدەگى اسكەري ميسسياسى اياقتالعانىن حابارلاعان بولاتىن.
