قوعامدا «تۇرمە تۇزەتە مە؟» دەگەن سۇراق ءجيى قويىلادى. بايقاعانىمىز, وۆ 156/1 مەكەمەسىندە تاربيە جۇمىستارى مىقتاپ قولعا الىنعان. ونى بۇگىنگى وتكىزىلگەن كونتسەرتتەن دە بايقاۋعا بولار ەدى.
شارا باسىندا مەكەمە باسشىسى قىزمەتتە تاباندى ەڭبەك ەتكەندەرگە ريزاشىلىعىن ءبىلدىرىپ, العىس حات تابىس ەتتى. ازاماتتاردى كونستيتۋتسيا كۇنىمەن قۇتتىقتادى.
كونتسەرتتىك باعدارلامانى جۇرگىزگەن دياس ماساليوۆ پەن سەرىك سىمبات تەمىر توردا وتىرعانىمەن, «تارتىپكە باعىنعان قۇل بولماس» دەگەن باۋىرجان اتالارىنىڭ ءسوزىن تۋ ەتكەندەي بۇگىندە. ساحنا مادەنيەتىن ساقتاي وتىرىپ, ورتاعا شىعىپ كەزەگىمەن انشىلەردى, ونەرپازداردى ورتاعا شاقىرۋمەن بولدى. ءسوز ساپتاۋلارى دا جاقسى. ارا-اراسىندا وزدەرى دە ونەرىن ورتاعا سالدى. اسىرەسە, جازاسىن وتەپ وتىرعان مانات قۇمانوۆتىڭ ء«بىزدىڭ ەلدىڭ جىگىتتەرى – ءبىزدىڭ ەلدىڭ سىرتتانى...» ورىنداۋىنداعى ءانى كوپشىلىكتىڭ كوڭىلىنەن شىقتى. ناقىشىنا كەلتىرىپ ورىنداعانى ءۇشىن بە, الدە سوزدەرى قۇلاقتان كىرىپ, بويدى الدى ما, ۇزاق قوشەمەت كورسەتتى.
سونىمەن قاتار, مەرەكەگە وراي بەلگىلى انشىلەر اپوش سارباز بەن اسقار ىسقاق اننەن شاشۋ شاشتى.
«كونستيتۋتسيا كۇنىنە وراي وسىنداي كونتسەرت ۇيىمداستىردىق. بۇل دا تاربيەنىڭ ءبىر كوزى دەپ بىلەمىن. سوتتالۋشىلار مەن ايىپتالۋشىلار جوعارى جاۋاپكەرشىلىكپەن دايىندالدى. ءتىپتى ساحناعا دەيىن وزدەرى بەزەندىردى. بارىمىزگە مەرەكەلىك كوڭىل-كۇي سىيلاعان ونەرپازدارعا راقمەت», دەپ مەكەمە باستىعىنىڭ ورىنباسارى ادىلەت پودپولكوۆنيگى جاسۇلان مولداحانوۆ العىسىن ءبىلدىردى.
ەسكەرتە كەتەيىك, مەرەكەلىك ءىس-شارادا بارلىق سانيتارلىق تالاپتار ساقتالدى.
