اقمولا وبلىسىنداعى كەنىش جانە كاسىپورىندارداعى التىنى بار ماتەريالداردى جىمقىرۋمەن اينالىسقان قىلمىستىق توپتىڭ جولىن كەسۋ ماقساتىندا ىشكى ىستەر مينيسترلىگى ارنايى جاساقتى تارتا وتىرىپ نۇر-سۇلتان, الماتى, شىمكەنت, اقمولا, ماڭعىستاۋ وبلىستارىندا ارنايى وپەراتسيا وتكىزدى.
كەشەندى ءىس-شارا بارىسىندا قىلمىستىق جۇيەنىڭ بارلىق ارەكەتى قۇجاتقا ءتۇسىرىلدى. ونىڭ ىشىندە زاڭسىز التىن وندىرۋدەن باستاپ, دايىن زەرگەرلىك بۇيىمدى ساتۋ ورىندارى دا قامتىلعان. ءتىپتى ءونىمدى كولىكتەگى جاسىرىن ورىندا الىپ ءجۇرۋ, وعان قولدان جاسالعان قۇجاتتار ازىرلەۋ دە بار.
قىلمىستىق جۇيەنى ۇيىمداستىرۋشىلار زاڭسىز التىن ىزدەۋشى «بريگاديرلەردى» قارجىلاندىرا وتىرىپ زاڭسىز التىن ءوندىرۋ جۇمىسىن جۇرگىزۋگە جاعداي جاساعان.
40 نىساندى ءتىنتۋ كەزىندە كەلەسى زاتتار تاركىلەندى:
- التىنى بار مەتالدى ونىدىرەتىن تسەحتىڭ قىزمەتىن ۇيىمداستىرۋعا قاجەتتى قۇرىلعىلار (ۇستاتۋ قوندىرعىسى, حيميكات-رەاكتيۆتەر جانە باسقا دا قولدان ازىرلەنگەن سايماندار);
- الماتى مەن شىمكەنتتەگى زەرگەر بۇيىمدارىن بالقىتاتىن جانە ازىرلەيتىن ەكى جاسىرىن تسەح (بالقىتۋ ستانوگى, التىن قۇياتىن قالىپ, كونتسەنتراتتار جانە باسقا دا قۇرال-جابدىقتار);
- 95 ملن 801 مىڭ تەڭگە جانە 356 مىڭ اقش دوللارى;
- التىن بۇيىمدار مەن ۇساق التىن قيىرشىعى, جالپى سالماعى 10 كەلىدەن اسادى;
- 13 قىمبات كولىك (2020-2021 جىلعى Lexus LX 570, Nissan Patrol, Toyota);
- 5 قارۋ;
- شىمكەنتتەگى جاسىرىن تسەحتىڭ قىزمەتىنە قاتىستى قۇجاتتار.
قىلمىسقا قاتىسى بار دەگەن كۇدىكپەن 32 ادام ۇستالىپ, ونىڭ 9-ى ۋاقىتشا ۇستاۋ يزولياتورىنا قامالدى.
قىلمىستىق توپتى ۇيىمداستىرۋشىلاردىڭ ۇستىنەن قىلمىستىق كودەكستىڭ 262-بابى 1,2-بولىگىمەن, 188-باپتىڭ 4-بولىگىمەن, 196-باپتىڭ 4-بولىگىمەن قىلمىستىق ءىس قوزعالدى. قازىرگى ۋاقىتتا سوتقا دەيىنگى تەرگەۋ امالدارى جۇرگىزىلىپ جاتىر.
