ماڭعىستاۋ وبلىستىق ەكونوميكالىق تەرگەۋ دەپارتامەنتىنىڭ حابارلاۋىنشا, ماڭعىستاۋ وبلىسى قۇرىلىس باسقارماسىنىڭ باسشىسى شاباي تاجىعاراەۆ, بەينەۋ اۋداندىق قۇرىلىس ءبولىمىنىڭ باسشىسى س. بيسەنوۆ, «بەينەۋ قۇرىلىس» مەردىگەر مەكەمەسىنىڭ باس ديرەكتورى ب.سارالتاەۆ قاماۋعا الىنعان.
2017 جىلى «بەينەۋ اۋداندىق قۇرىلىس ءبولىمى» مم مەن مەردىگەرلىك ۇيىم اراسىندا بەينەۋ اۋدانىنىڭ سارعا اۋىلىنا سۋ تازارتۋ قوندىرعىسى مەن اۋىلىشىلىك سۋ قۇبىرى قۇرىلىسىنا مەملەكەتتىك ساتىپ الۋ شارتى جاسالعانى انىقتالدى. قۇجات قۇنى 477,6 ميلليون تەڭگە.
«2021 جىلعى 24 تامىزداعى سوت-قۇرىلىس ساراپتاماسىنىڭ قورىتىندىسىنا سايكەس, 203,6 ميلليون تەڭگەنىڭ جۇمىسى ورىندالماعانى بەلگىلى بولدى. كۇدىكتىلەر قازاقستان رەسپۋبليكاسىنىڭ قىلمىستىق ءىس جۇرگىزۋ كودەكسىنىڭ 128-بابىنا سايكەس قاماۋعا الىنىپ, ۋاقىتشا ۇستاۋ يزولياتورىنا قامالدى. قازىرگى ۋاقىتتا ءىس بويىنشا قاجەتتى تەرگەۋ-جەدەل ءىس-شارالارى جۇرگىزىلىپ جاتىر», دەلىنگەن حابارلامادا.
