23 تامىزدا 48 جاستاعى قالا تۇرعىنى وڭتۇستىك-شىعىس پوليتسيا بولىمىنە حابارلاسقان. جابىرلەنۋشى ايەلدىڭ ايتۋىنشا, وسى جىلدىڭ اقپانىندا م ۇلىكتىك كەپىلدىك ارقىلى نەسيە الۋعا كومەكتەسەمىن دەگەن جەلەۋمەن بەلگىسىز بىرەۋ 4 ميلليون تەڭگەگە جۋىق قاراجاتتى يەمدەنىپ العان. بەلگىسىز ەر ادام بانكتە جابىرلەنۋشىگە كەلىپ, كەپىلدىك ارقىلى ۇلكەن مولشەردە نەسيەنى قالاي دۇرىس راسىمدەۋ كەرەكتىگىن تۇسىندىرگەن. جابىرلەنۋشى ايەل الاياقتىڭ الداۋىنا سەنىپ قالىپ, ءتورت ميلليونعا جۋىق اقشانى بەرە سالعان.
الاياقتىقتىڭ ارەكەتتەرىنىڭ سيپاتتاماسىنا سايكەس, پوليتسيا جابىرلەنۋشى ايەلدى الاياقتىق فاكتىسى بويىنشا قىلمىستىق ءىس قارالىپ جاتقان تەرگەۋشىگە اپاردى. تەرگەۋ جۇمىستارىمەن جانە فوتو ارقىلى جابىرلەنۋشى 27 جاستاعى قالا تۇرعىنىن, ياعني الاياقتىق ىستەگەن ەر ادامدى تانىدى.
قازىرگى ۋاقىتتا قازاقستان رەسپۋبليكاسى قىلمىستىق كودەكسىنىڭ 190-بابى 3-بولىگى بويىنشا سوتقا دەيىنگى تەرگەۋ جالعاسۋدا. سونىمەن قاتار كۇدىكتىنىڭ وسىعان ۇقساس 23 قىلمىس فاكتىسى دالەلدەندى.
