«قۇرىلىس ماۋسىمى باستالىسىمەن قالادا جولداردى جوندەۋ بويىنشا اۋقىمدى جۇمىستار جۇرگىزىلۋدە. بيىل 115 كوشە سالىنىپ, جوندەۋدەن وتكىزىلەدى. ونىڭ 60-ى تۇرعىن ءۇي الاپتارىندا. مىسالى, كوكتال-1-دە 17 كوشە, ءوندىرىس شاعىن اۋدانىندا - 9 كوشە, سونداي-اق, كىرپىشتى, جەلەزنودوروجنىي, وڭتۇستىك – شىعىس, شۇبار جانە ت.ب. كوشەلەر جول جۇمىستارىمەن قامتىلدى, وتكەن جىلداعىداي قالانىڭ ەسكى بولىگىنە, تۇرعىن ءۇي ماسسيۆتەرىنە جانە قۇرىلىستىڭ جاڭا اۋداندارىنا باسا نازار اۋدارىلادى», دەلىنگەن حابارلامادا.
بۇگىن قالا اكىمى بىرقاتار كوشەلەردىڭ, سونىڭ ىشىندە №27 كوشەنىڭ (ش.بەيسەكوۆا كوشەسىنەن تۇران داڭعىلىنا دەيىنگى ۋچاسكەدە) سالىنۋ بارىسىمەن تانىسقانىن اتاپ ءوتتى.
ونىڭ ايتۋىنشا, اتالعان ۋچاسكەدە اعىمداعى جىلى 8 جولاقتى ماگيسترالدى كوشەنىڭ قۇرىلىسى اياقتالادى. ۇزىندىعى 3 كم بولاتىن بۇل كوشە دە اۋداندى ينجەنەرلىك جەلىلەرمەن جانە كىرمە جولدارمەن قامتاماسىز ەتۋگە مۇمكىندىك بەرەدى. بولاشاقتا ايتماتوۆ كوشەسىنىڭ قۇرىلىسى اياقتالعاننان كەيىن (ە10 كوشەسىنەن ۇلى دالا داڭعىلىنا دەيىنگى ۋچاسكەدە) تۇران داڭعىلى (سارايشىق كوشەسىنەن ۇلى دالا داڭعىلىنا دەيىن), مۇحامەدحانوۆ كوشەسى (تۇران داڭعىلىنان ايتماتوۆ كوشەسىنە دەيىن), ە10 كوشەسى (ايتماتوۆ كوشەسىنەن تۇران داڭعىلىنا دەيىن) جەڭىلدەتىلەدى.
«سونداي-اق ە52, ە41 (بەكتۇروۆ جانە تولە بي كوشەلەرىنىڭ اۋداندارى) كوشەلەرىنىڭ قۇرىلىس بارىسىمەن تانىستىم. بۇل كوشەلەردىڭ ماسەلەسى بويىنشا بىزگە تۇرعىندار جۇگىندى. قۇرىلىس سالىناتىن اۋداندارداعى كوشەلەر قۇرىلىسى اتالعان اۋدانداردىڭ دامۋىنا قوسىمشا سەرپىن بەرەدى, سونداي-اق قالا تۇرعىندارىنىڭ ءومىر ءسۇرۋ ساپاسى ارتادى. جول جۇمىستارى ەلوردانىڭ بارلىق اۋداندارىن قامتىدى. ەكى جىل ىشىندە جوندەلگەن كوشەلەر سانى 300-گە جۋىق بولادى, بۇل قالانىڭ جول ينفراقۇرىلىمىن جاقسارتاتىنى ءسوزسىز. مىسالى, وتكەن جىلى 170-تەن استام كوشە, ونىڭ 100-ءى تۇرعىن ءۇي الاپتارىندا جوندەلدى», دەپ تولىقتىردى كولگىنوۆ.
«جۇمىسپەن قامتۋدىڭ جول كارتاسى» باعدارلاماسى بويىنشا جوندەۋ جۇمىستارىن جۇرگىزۋ سالاسىندا 4 مىڭنان استام جۇمىس ورنى قۇرىلدى.
