نۇر-سۇلتان قالاسىنىڭ اكىمى بيىل 15 مەكتەپ سالىناتىنىن اتاپ ءوتتى. بۇل 40 مىڭنان استام وقۋشىعا ارنالعان جاڭا ءبىلىم ورداسى. جوسپارلى كورسەتكىش 2020 جىلمەن سالىستىرعاندا 2 ەسە جانە 2019 جىلمەن سالىستىرعاندا 4 ەسە كوپ.
قۇرىلىس كەزىندە مەكتەپتەردىڭ ماتەريالدىق-تەحنيكالىق جابدىقتالۋى دا ەسكەرىلەدى: IT جانە STEM-كابينەتتەر ارقىلى وقۋشىلار 3D-وبەكتىلەردى قۇرا الادى, روبوتتاردى جاساپ ۇيرەنىپ, عىلىمي-تەحنيكالىق بىلىمدەرىن بىردەن پراكتيكادا قولدانۋعا مۇمكىندىك تۋادى. وقۋ ورىندارى قالانىڭ بارلىق اۋدانىندا, سونىڭ ىشىندە تۇرعىن الاپتارىندا سالىنىپ جاتىر.
ەلوردادا الداعى 5 جىلدا جول كارتاسى اياسىندا 67 مەكتەپ سالۋ جوسپارلانىپ وتىر. وقۋ ورىندارىن سالۋ, ونىڭ ىشىندە جەكە ينۆەستيتسيا تارتۋ ەسەبىنەن جۇرگىزىلۋدە. بۇل ءۇش اۋىسىمدى جانە وقۋشىلارى تىم كوپ مەكتەپتەردىڭ پروبلەماسىن شەشەدى.
