BCC جازۋىنشا, فۋكۋوكا قالالىق سوتى 74 جاستاعى نومۋرا ساتورۋدى ءتورت شابۋىلعا تاپسىرىس بەردى دەپ ايىپتادى. شابۋىلداردىڭ بىرىندە ءبىر كىسى قازا تاپتقان. نومۋرا جاپونيانىڭ وڭتۇستىك-باتىسىنداعى كۋدو-كاي سينديكاتىن باسقارادى.
جەرگىلىكتى بۇقارالىق اقپارات قۇرالدارىنىڭ حابارلاۋىنشا, ۇكىم نومۋراعا قارسى تىكەلەي دالەلدەردىڭ جوقتىعىنا قاراماستان شىعارىلعان. ايىپتى كىناسىن مويىنداماعان. ەندى اپەللياتسيالىق شاعىم تۇسىرمەكشى.
پروكۋرورلار نومۋرانىڭ زورلىق-زومبىلىق شابۋىلدارىنا تاپسىرىس بەرگەنى تۋرالى تىكەلەي ايعاق بولماسا دا, قىلمىستىق توپتى ءابسوليۋتتى تۇردە باسقارۋى جاۋاپكەرشىلىك الۋعا جەتكىلىكتى ەكەنىن دالەلدەدى.
ايتا كەتەيىك, 1998 مەن 2014 جىلدار اراسىندا بولعان ءتورت شابۋىلدا بالىق اۋلاۋ كووپەراتيۆىنىڭ بۇرىنعى باسشىسى قازا تاۋىپ, تاعى ۇشەۋى, سونىڭ ىشىندە پوليتسەي جاراقات العان.
سەيسەنبىدە نومۋراعا ۇكىم شىعارعان سۋديا ونىڭ ارەكەتىن وتە قاتال دەپ اتادى.
ياكۋدزالار توبى جاپونيادا زاڭسىز ەمەس. ساراپشىلاردىڭ ايتۋىنشا, ولار ەلدەگى ەسىرتكى ساۋداسىنان باستاپ, جەزوكشەلىككە دەيىن, قور نارىعىندا ايلا-شارعى جاساۋعا دەيىنگى قىلمىستىق ارەكەتتەردىڭ بارلىق سالاسىنا قاتىسادى.
بولجام بويىنشا, ەلدە ءبىرىنشى رەت جاپون ياكۋزدا مافياسىنىڭ باسشىسى ءولىم جازاسىنا كەسىلگەن.
