تۇزەتۋلەر كوروناۆيرۋستىق پاندەمياعا جانە وسى كەزەڭدەگى نىسانداردىڭ ەرەكشە جۇمىس تارتىبىنە بايلانىستى ەنگىزىلدى.
«ينفەكتسيانىڭ جاپپاي تارالۋىن بولدىرماۋ ماقساتىندا جەكە تۇلعالار, كاسىپكەرلىك سۋبەكتىلەرى جانە مەملەكەتتىك ورگاندار ءوز قىزمەتىن ۋاقىتشا توقتاتتى نەمەسە قاشىقتىقتان جۇمىس رەجيمىنە كوشتى. سونىمەن بىرگە, اقبتك نورمالارىن تالداۋ وندا اكىمشىلىك قۇقىق بۇزۋشىلىق تۋرالى ىستەردى جۇرگىزۋدىڭ ەرەكشە ءتارتىبى جانە سوتتىڭ (لاۋازىمدى ادامداردىڭ) توتەنشە جاعداي رەجيمى جاعدايىندا ىستەردى قاراۋ مەرزىمدەرىن توقتاتا تۇرۋ قۇقىعى كوزدەلمەگەنىن كورسەتتى. بۇل كەزەڭدەگى ىستەر جالپى تارتىپپەن جانە اقبتك بەلگىلەگەن مەرزىمدە قارالدى», دەلىنگەن تۇجىرىمدامادا.
وسىعان بايلانىستى, ازىرلەۋشىلەردىڭ ايتۋىنشا, توتەنشە جاعداي كەزىندە ءىس جۇرگىزۋ بويىنشا قۇقىق قولدانۋ پراكتيكاسىنداعى ورىن العان ماسەلەلەردىڭ نەگىزىندە ولاردى جويۋ بويىنشا زاڭنامالىق شارالار قابىلداۋ قاجەتتىلىگى تۋىندايدى.
جالپى زاڭ جوباسى اكىمشىلىك جاۋاپكەرشىلىكتى بەلگىلەۋ, جاۋاپكەرشىلىكتى كۇشەيتۋ, اكىمشىلىك قاماققا الۋ تۇرىندەگى جازانىڭ بالامالى ءتۇرىن الىپ تاستاۋ ماسەلەلەرىنە باعىتتالعان. قۇجاتتىڭ تولىق نۇسقاسى «اشىق نقا» سايتىندا جاريالانعان.
