الەم • 25 تامىز، 2021

«ۇلكەن جەتىلىك» ەلدەرى اۋعانستانعا الاڭداۋشىلىق ءبىلدىردى

95 رەت كورسەتىلدى

سەيسەنبى كۇنى ۇلىبريتانيانىڭ توراعالىعىمەن اۋعانستانداعى جاعدايعا ارنالعان «ۇلكەن جەتىلىك» ەلدەرىنىڭ ءسامميتى ءوتتى، دەپ حابارلايدى Egemen.kz GOV.UK سايتىنا سىلتەمە جاساپ.

ونلاين فورماتتا وتكەن كەزدەسۋگە بۇۇ باس حاتشىسى ا.گۋتەرريش پەن ناتو باس حاتشىسى ي.ستولتەنبەرگ شاقىرىلدى.

ۆيرتۋالدى ءسامميتتىڭ ناتيجەلەرى بويىنشا بەيرەسمي حالىقارالىق كلۋب بىرقاتار مالىمدەمە جاسادى.

قۇجاتتا «G7» اۋعانستان حالقىنا بەيىلدىلىگى جانە بۇۇ قاۋىپسىزدىك كەڭەسىنىڭ 16 تامىزداعى مالىمدەمەسىنە قولداۋ كورسەتىلگەنى راستالادى.

ء«بىز اۋعانستانداعى جاعدايعا ۇلكەن الاڭداۋشىلىق ءبىلدىرىپ، اۋعان جانە باسقا دا ازاماتتاردىڭ قاۋىپسىزدىگىن قامتاماسىز ەتۋ جانە گۋمانيتارلىق داعدارىستىڭ الدىن الۋ ءۇشىن تىنىشتىق پەن ۇستامدىلىققا شاقىرامىز. كەز كەلگەن جاعدايدا حالىقارالىق گۋمانيتارلىق قۇقىقتى ساقتاۋعا شاقىرامىز»، دەلىنگەن حابارلامادا.

سونىمەن قاتار، «ۇلكەن جەتىلىك» ەلدەرى اۋعانستانداعى گۋمانيتارلىق ماسەلەلەردى شەشۋ اياسىندا وڭىردەگى كورشىلەس جانە باسقا دا ەلدەرمەن ىنتىماقتاستىق جۇزەگە اسىرىلاتىنىن اتاپ ءوتتى. \ۇلكەن جەتىلىك (Group of Seven - جەتى توپ، G7) - ۇلىبريتانيا، گەرمانيا، يتاليا، كانادا، فرانتسيا، جاپونيا جانە اقش-تى بىرىكتىرەتىن بەيرەسمي حالىقارالىق كلۋب.

سوڭعى جاڭالىقتار

الماتىدا تروللەيبۋس ورتەندى

وقيعا • 24 ماۋسىم، 2022

تۇركپا-نىڭ اتاۋى وزگەرەدى

پارلامەنت • 24 ماۋسىم، 2022

ۇقساس جاڭالىقتار