سپورت • 24 تامىز، 2021

قۇربان بەردىەۆ «قايراتتىڭ» باس باپكەرى بولىپ تاعايىندالدى

69 رەت كورسەتىلدى

قۇربان بەردىەۆ «قايرات» فۋتبول كلۋبىنىڭ باس جاتتىقتىرۋشىسى بولدى، دەپ حابارلايدى Egemen.kz فك-نىڭ رەسمي سايتىنا سىلتەمە جاساپ.

قۇربان بەكيەۆيچ بەردىەۆ 1952 جىلى 25 تامىزدا تۇرىكمەنستان استاناسى اشحاباد قالاسىندا تۋعان. سپورتتىق مانسابىندا جارتىلاي قورعاۋشى، كەيدە قورعاۋشى پوزيتسيالارىندا ونەر كورسەتتى. فۋتبولمەن 1959 جىلى اشحابادتا اينالىسا باستاعان.

«كولحوزچي»، سكا (دونداعى روستوۆ) جانە «روستسەلماش» سياقتى كوماندالار ساپىندا وينادى. 1977، 1981-1985 جىلدارى جانە 1993 جىلى «قايرات» فك فۋتبولشىسى بولدى. الماتىلىق كلۋب قۇرامىندا بارلىعى 175 ماتچ وتكىزىپ، 34 گول سوقتى. باپكەرلىك مانسابىن جامبىلدىڭ «حيميك» ساپىنان باستادى. سودان كەيىن «قايراتتا» باقتيار بايسەيىتوۆتىڭ كومەكشىسى بولىپ، كوماندانى العاشقى چەمپيوندىق اتاققا الىپ كەلدى.

«قايراتتان» كەيىن تۇرىكتىڭ «گەنچلەربيرليگىن» جاتتىقتىرۋعا كەتتى، بىراق 1994 جىلى الماتىلىق كومانداعا باس باپكەر رەتىندە قايتا ورالدى. ءبىر جىلدان كەيىن كوماندادان كەتىپ، «مۇنايشى»، «نيسا»، تۇرىكمەنستان قۇراماسىن، رەسەيلىك «كريستالل»، «رۋبين» جانە «روستوۆ» كوماندالارىن جاتتىقتىردى. جوعارىدا اتالعان كوماندالارمەن تۇرىكمەنستان مەن رەسەي چەمپيوناتتارىن، كۋبوكتارى مەن سۋپەركۋبوكتارىن جەڭىپ الدى.

«روستوۆ» پەن «رۋبين» باپكەرى بولا وتىرىپ، كارى قۇرلىق تۋرنيرلەرىندە ەۋروپانىڭ ۇزدىك كوماندالارىنان بىرنەشە رەت باسىم ءتۇستى. بيىلعى 27 مامىردان باستاپ قۇربان بەردىەۆ «قايرات» فك باقىلاۋ كەڭەسى توراعاسىنىڭ كەڭەسشىسى لاۋازىمىندا ەڭبەك ەتتى. مامانمەن كەلىسىمشارت جىل سوڭىنا دەيىن ەسەپتەلگەن، ەكى جىلعا ۇزارتۋ مۇمكىندىگى بار.

 

سوڭعى جاڭالىقتار

تاعى 1650 قازاقستاندىق ىندەت جۇقتىردى

كوروناۆيرۋس • بۇگىن، 09:00

سوفيادان ولجالى ورالدى

سپورت • بۇگىن، 08:40

جاس تەننيسشىلەر جارادى

تەننيس • بۇگىن، 08:32

تۇتىنۋشى قۇقىعىن قورعايدى

قازاقستان • بۇگىن، 08:27

ۇقساس جاڭالىقتار