سپورت • 24 تامىز، 2021

Astana Open ATP 250 قاتىسۋشىلارىنىڭ ءتىزىمى جاريالاندى

29 رەت كورسەتىلدى

ەلورداداعى ۇلتتىق تەننيس ورتالىعىندا وتەتىن ATP 250 ساناتىنداعى Astana Open حالىقارالىق بەدەلدى ءتۋرنيرىنىڭ نەگىزگى كەزەڭىندە باق سىنايتىن تەننيسشىلەردىڭ الدىن الا ءتىزىمى جاسالدى دەپ جازادى Egemen.kz.

قتف ءباسپاسوز قىزمەتىنىڭ مالىمەتى بويىنشا، تۋرنيردە دۇنيەجۇزىندەگى توپ-100 تەننيسشىسىنىڭ قاتارىنا ەنەتىن الەكساندر بۋبليك (قازاقستان،  الەمنىڭ 37-راكەتكاسى)، كريستيان گارين (چيلي، 19)، اسلان كاراتسەۆ (رەسەي، 24)، فيليپ كراينوۆيچ (سەربيا، 38)، دۋشان لايوۆيچ (سەربيا، 40)، بىلتىرعى Astana Open چەمپيونى – دجون ميلمان (اۋستراليا، 43)، بەنۋا پەر (فرانتسيا، 49)، لورەنتسو مۋسەتتي (يتاليا، 58)، ماككەنزي ماكدونالد (اقش، 60) جانە وزگە تەننيسشىلەر باق سىنايدى.

سونىمەن قاتار جارىستىڭ نەگىزگى كەزەڭىندە قازاقستاندىق تەننيسشىلەردەن الەكساندر بۋبليكتەن بولەك، ەرلەر قۇراماسىنىڭ بارلىق وكىلدەرى ونەر كورسەتەدى. اتاپ ايتقاندا، ميحايل كۋكۋشكين، اندرەي گولۋبەۆ پەن الەكساندر نەدوۆەسوۆ. جانە دە دميتري پوپكو، تيموفەي سكاتوۆ، دەنيس ەۆسەەۆ، بەيبىت جۇقاەۆ، دوستانبەك تاشبۋلاتوۆ، گريگوري لوماكين سىندى جاس ويىنشىلارىمىز ەل بىرىنشىلىگىنە قاتىسىپ، Astana Open ATP 250 جارىسىنىڭ نەگىزگى كەزەڭى مەن كۆاليفيكاتسياسىندا ويناۋعا مۇمكىندىك الادى.

 ەسكە سالا كەتەيىك، تۋرنير 2021 جىلدىڭ 19-26 قىركۇيەگى ارالىعىندا نۇر-سۇلتاندا وتەدى.

 

سوڭعى جاڭالىقتار

دوللار ارزاندادى

قارجى • كەشە

ۇقساس جاڭالىقتار