«2021 جىلى مولدوۆا رەسپۋبليكاسىنا ەستەلىك ۆاحتاسىنا بارعان «مايدان جولى» پاۆلودار ىزدەستىرۋ زەرتتەۋ جاساعىنىڭ ىزدەۋشىلەرى قازاقستان تاريحىنداعى العاشقى قازاقستاندىق ىزدەۋشىلەر بولدى», دەدى جاساق كومانديرى الەكساندر شيتوۆ.
ونىڭ ايتۋىنشا, 2020 جىلدىڭ ىشىندە رەسەيلىك تاريحي-پاتريوتتىق كلۋبتىڭ, «اۆگۋست» ىزدەۋ جاساعىنىڭ ارقاسىندا جانە قازاقستاننىڭ كيشينەۆ قالاسىنداعى ەلشىلىگىنىڭ قولداۋىمەن پاۆلودارلىق «مايدان جولى» ىزدەۋ جاساعىنىڭ كومانديرى كەلىسسوزدەردى ءساتتى وتكىزدى. ناتيجەسىندە ەسكە الۋ ۆاحتاسىن ۇيىمداستىرۋ جونىندەگى جوبا ماقۇلدانىپ, قولداۋ تاپتى. سونىمەن قاتار, مولدوۆا رەسپۋبليكاسىنىڭ نوۆوانەنسكي اۋدانىنىڭ اۋماعىندا دالالىق ىزدەستىرۋ جۇمىستارىن جۇرگىزۋگە رەسمي رۇقسات الىندى.
«مولدوۆاداعى شەرپەن مەموريالى رەسەيدەگى ماماەۆ قورعانىنا جانە بەلارۋس رەسپۋبليكاسىنداعى برەست قامالىنا ۇقساس. بۇل - قاتىگەز, قاندى شايقاستاردىڭ ورنى, بۇل - سوعىستىڭ بەتبۇرىس ءساتىنىڭ باستاۋى بولدى», دەدى سپيكەر.
دەمەۋشىلەردىڭ قارجىلاي قولداۋىنىڭ ارقاسىندا پاۆلودارلىق «مايدان جولى» ىزدەستىرۋ جاساعى حابار-وشارسىز كەتكەن جەرلەستەرىن ىزدەۋ جانە ۇلى وتان سوعىسى جىلدارىندا قازا تاپقان جاۋىنگەرلەردى ماڭگى ەستە قالدىرۋ ءۇشىن مولدوۆا رەسپۋبليكاسىنا اتتاندى.
ەسكەرتكىشتىڭ ديزاينىن «مايدان جولى» جاساعىنىڭ كومانديرى شيتوۆ الەكساندر دايىندادى, ال ەسكەرتكىشتىڭ ءوزى مولدوۆادا جاسالدى. جوبا مولداۆيانى فاشيزمنەن ازات ەتۋدىڭ 77 جىلدىعى مەن قازاقستان تاۋەلسىزدىگىنىڭ 30 جىلدىعى اياسىندا ىسكە اسىرىلدى.
