ەكونوميكا • 24 تامىز، 2021

تيمۋر جاقسىلىقوۆ: شاعىن جانە ورتا بيزنەستى كرەديتتەۋ جالعاسۋدا

69 رەت كورسەتىلدى

قر ۇلتتىق ەكونوميكا ءبىرىنشى ۆيتسە-ءمينيسترى تيمۋر جاقسىلىقوۆ «بيزنەستىڭ جول كارتاسى-2025» باعدارلاماسىنىڭ نەگىزگى تەتىكتەرىن اتادى، دەپ حابارلايدى Egemen.kz.

«وزدەرىڭىز بىلەتىندەي، وتاندىق كاسىپكەرلەردى قولداۋ مەن دامىتۋعا مەملەكەت باسىم كوڭىل بولەدى. «بيزنەستىڭ جول كارتاسى-2025» باعدارلاماسى 2010 جىلدان باستاپ تابىستى ىسكە اسىرىلۋدا. شاعىن جانە ورتا بيزنەستى مەملەكەتتىك قولداۋ - ەڭ سۇرانىسقا يە باعدارلاما سانالادى. باعدارلاما بيزنەستى قارجىلاي جانە قارجىلاي ەمەس قولداۋدى قاراستىرادى. وسى جىلى شوب-تى جەڭىلدىكتى كرەديتتەۋ جالعاسۋدا.

«بجك-2025»-تەگى قولداۋدىڭ نەگىزگى قارجى قۇرالدارى پايىزدىق مولشەرلەمەنى سۋبسيديالاۋ جانە كاسىپكەرلەردىڭ كرەديتتەرىنە كەپىلدىك بەرۋ، مەملەكەتتىك گرانتتار بەرۋ، سونداي-اق بيزنەس جوبالارىنا جەتىسپەيتىن ينجەنەرلىك ينفراقۇرىلىمدى جەتكىزۋ بولىپ وتىر»، دەدى تيمۋر جاقسىلىقوۆ ورتالىق كوممۋنيكاتسيالار قىزمەتىندەگى ءباسپاسوز ءماسليحاتىندا.

 

ونىڭ اتاپ وتۋىنشە، «بجك-2025» باعدارلاماسى اياسىندا جەڭىلدىكتى كرەديتتەۋ جىلدىق 6 پايىز مولشەرلەمەمەن، 5 جىل مەرزىمگە بەرىلەدى. كرەديت سوماسى 7 ملرد تەڭگەگە دەيىن، سالالىق شەكتەۋ جوق.

سونىمەن بىرگە، 2019 جىلدان باستاپ «بجك-2025» باعدارلاماسى اياسىندا باسىم جوبالارعا كرەديت بەرۋ تەتىگى ەنگىزىلدى. «قالىڭ جۇرتشىلىق ءۇشىن بۇل تەتىك «قاراپايىم زاتتار ەكونوميكاسى» باعدارلاماسى رەتىندە بەلگىلى. باعدارلاما حالىق تۇتىناتىن تاۋارلاردى قولداۋعا باعىتتالعان. وسىلايشا، قاراپايىم زاتتار ەكونوميكاسى جۇمىس ىستەپ تۇرعان كاسىپورىنداردىڭ قۋاتىن جۇكتەۋگە، الەۋمەتتىك ماڭىزى بار ازىق-ت ۇلىك تاۋارلارى بويىنشا ەلدىڭ ازىق-ت ۇلىك قاۋىپسىزدىگىن قامتاماسىز ەتۋگە جانە ولارعا حالىقتىڭ قولجەتىمدىلىگىن ارتتىرۋعا مۇمكىندىك بەرەدى.

باعدارلاما اياسىندا كاسىپكەرلەرگە 6 پايىز مولشەرلەمە بويىنشا جەڭىلدىكپەن كرەديت بەرۋ ۇسىنىلادى. كرەديت سوماسى شەكتەلمەيدى، ال سۋبسيديالاۋ مەرزىمى - 10 جىل. ەكونوميكالىق قىزمەت تۇرلەرىنىڭ جالپى جىكتەۋىشى بويىنشا كرەديتتەۋدەگى باسىم جوبالاردى ىرىكتەۋدىڭ نەگىزگى كريتەريى تاۋارلار تىزبەسى بولىپ سانالادى»، دەدى ول.

سوڭعى جاڭالىقتار

شىمكەنتتە دە LRT سالىنۋى مۇمكىن

ايماقتار • بۇگىن، 12:50

دوللار باعاسى تاعى قىمباتتادى

ەكونوميكا • بۇگىن، 10:32

ۇقساس جاڭالىقتار