بۇگىن باشار اساد ۇكىمەتى مەن سيريا وپپوزيتسياسى العاش رەت بەيبىت كەلىسسوز جۇرگىزەدى. بۇل تۋرالى 24.kz حابارلادى.
ليۆاندا تۇراتىن سيريالىق بوسقىندار بۇگىنگى «جەنەۆا-2» بەيبىت كونفەرەنتسياسىنا ۇلكەن ءۇمىت ارتىپ وتىر. بۇل كونفەرەنتسيا جاۋلاسقان تاراپتاردى بىتىمگە كەلتىرۋى ءتيىس. ەگەر بۇل ماقسات ورىندالسا, بوسقىنداردىڭ وتانىنا ورالۋلارىنا مۇمكىندىك تۋادى.
ايتا كەتەيىك, 3 جىلعا سوزىلعان شيەلەنىستەن كەيىن بۇگىن العاش رەت باشار اساد ۇكىمەتى مەن سيريالىق وپپوزيتسيا بەيبىت كەلىسسوز جۇرگىزبەك. 40-قا جۋىق ەلدىڭ ديپلوماتى جينالعان حالىقارالىق كونفەرەنتسيا سيرياداعى داعدارىستان شىعۋ جولدارىنا ارنالعان. رەسمي اقپارات بويىنشا, سيرياداعى ازاماتتىق سوعىس 130 مىڭنان استام ادامنىڭ ءومىرىن قيدى. سونىمەن قاتار, 2 ميلليوننان استام تۇرعىن ەلدەن قاشىپ, وزگە ەلدەردە باسساۋعالاپ ءجۇر.
ايدار ورىسباەۆ.
دەرەككوز: 24.kz
فوتو: Ntv.ru
