قايعىلى وقيعا قازالى اۋدانىنا قاراستى باسىقارا اۋىلى اۋماعىنداعى «13 بەكەت» سۋارۋ كانالىندا 21 تامىزدا ساعات 18.38 شاماسىندا بولعان.
بۇل جونىندەگى حابار وبلىستىق توتەنشە جاعدايلار دەپارتامەنتى كۇشتەر مەن قۇرالداردى جەدەل باسقارۋ ورتالىعىنا كەلىپ ءتۇستى.
«كانالعا 2004 جانە 2007 جىلعى ەكى قىز بالا ابايسىزدا باتىپ كەتكەن. جەرگىلىكتى تۇرعىندار كۇشىمەن 14 جاستاعى قىزدىڭ دەنەسى سۋدان شىعارىلدى.
قۇتقارۋشىلار 17 جاستاعى قىزدىڭ دەنەسىن ءبىر كۇننەن كەيىن سۋعا باتقان جەرىنەن بەس شاقىرىمداي قاشىقتان تاپتى.
ىزدەستىرۋگە جەدەل قۇتقارۋ جاساعىنان 4 قۇتقارۋشىسى 1 تەحنيكا جانە 1 قايىقپەن باردى», دەپ ءمالىم ەتتى قىزىلوردا وبلىستىق توتەنشە جاعدايلار دەپارتامەنتى ءورت ءسوندىرۋ جانە اۆاريالىق-قۇتقارۋ جۇمىستارى قىزمەتىنىڭ ءباسپاسوز حاتشىسى ءاليا ەرەجەپوۆا.
ءمالىم بولعانىنداي, 14 جاستاعى قىز اۋىلداعى مەكتەپتە توعىزىنشى سىنىپتا وقىسا, 17 جاستاعى قىز وبلىس ورتالىعىنداعى جوعارى وقۋ ورىندارىنىڭ بىرىندە ءبىلىم العان.
