ەلشىمەن كەزدەستى

كەشە پارلامەنت سەناتىنىڭ توراعاسى قاسىم-جومارت توقاەۆ گرۋزيانىڭ قازاق­ستان­­دا­عى توتەنشە جانە وكىلەتتى ەلشىسى پااتا كا­لاندادزەنى ونىڭ ءوتىنىشى بويىنشا قا­بىلدادى, دەپ حابارلادى وسى پالاتانىڭ ءباسپاسوز قىزمەتى. كەزدەسۋ بارىسىندا قازاقستان مەن گرۋزيا اراسىنداعى ىنتىماقتاستىقتى ودان ءارى نىعايتۋ ماسەلەلەرى تالقىلاندى. پ.كالاندادزە قازاقستان-گرۋزيا قاتىناس­تا­رى, “تۇتاستاي العاندا ۇيلەسىمدى جانە قار­قىندى” ەكەنىن ايتا كەلىپ, پارلامەنتارالىق ءۇن­قاتىسۋدى بەلسەندىلەندىرۋ تۋرالى ويلارى­مەن ءبولىستى. ق.توقاەۆ ءوزارا ەكىجاقتى ءىس-قيمىلدى نى­عايتۋعا قازاقستاننىڭ مۇددەلىلىگىن اتاپ ءوتىپ, پارلامەنتارالىق بايلانىستاردى دامىتۋدىڭ ماڭىزدىلىعىنا توقتالدى. ديپلومات “ەقىۇ-نىڭ ەۋرازيالىق ولشەمى” ترانسازيالىق پارلامەنتتىك فو­رۋمى­نىڭ جۇمى­سىنا گرۋزين پارلامەنتشىلەرىنىڭ قاتىساتىنىن ناقتىلادى. فورۋم ۇستىمىزدەگى جىلعى 14-16 مامىردا الما­تىدا وتەدى. بۇل شارا اياسىندا ايماقتىق قاۋىپسىزدىك, ەكونوميكالىق دامۋ, ەقىۇ-نىڭ ادام ولشەمى ماسەلەلەرىنە ارنالعان ءۇش سەسسيا­سىن وتكىزۋ جوسپارلانىپ وتىر.