وقيعا 22 تامىز كۇنى سىرىم اۋدانى جوسالى اۋىلدىق وكرۋگىنىڭ ورتالىعى قوڭىر اۋىلىنىڭ شەتىندە ورىن الدى.
ساعات 05.59-دا «جانعوجا-س» شارۋا قوجالىعى اۋماعىندا 1 مىڭ شارشى مەتردى قامتىعان ءۇيۋلى تۇرعان 250 توننا پىشەن وتقا وراندى. جالىن اۋماعى 300 شارشى مەتر قورا-قوپسىنى شارپىپ ۇلگەردى. زارداپ شەككەندەر جوق. ءتىلسىز جاۋ 19.11-دە اۋىزدىقتالدى.
20 تامىز كۇنى ورال قالاسى 1-ساياجاي قوعامداستىعىنا قاراستى «اۆتوموبيليست» ساياجاي قوعامى ماڭىندا 20 گەكتار قۇرعاق ءشوپ پەن 10 گەكتار ورمان ورتەندى. تج دەپارتامەنتى (51 قىزمەتكەر, 10 تەحنيكا), «ەستورال» جشس (8 قىزمەتكەر, 2 تەپلوحود), ورمان شارۋاشىلىعى مەكەمەسى (5 قىزمەتكەر, 1 تەحنيكا) جانە «جايىق تازا قالا» جشس (2 قىزمەتكەر, 2 تەحنيكا) كۇشىمەن ءورت 21 تامىز كۇنى ساعات 00.53-تە وقشاۋلانىپ, 22 تامىزدا 09.28-دە تولىقتاي جويىلدى.
ءدال سول كۇنى بايتەرەك اۋدانى يانايكين اۋىلىنان 15 شاقىرىم جەردە 60 گەكتار اۋماق (40 گەكتارى – ورمان) ورتەندى. جالىن تج دەپارتامەنتى باستاعان مەكەمەلەر كۇشىمەن 21 تامىزدا ساعات 12.01-دە وقشاۋلانىپ, 22 تامىزدا 20.08-دە اۋىزدىقتالدى.
بۇگىن ساعات 14.32-دە اقجايىق اۋدانى بۋدارين اۋىلدىق وكرۋگىندە شامامەن 10 گەكتار قۇرعاق ءشوپ پەن 4 گەكتار ورماندا ءورت شىقتى. سونداي-اق, 22 تامىز كۇنى ساعات 19.51-دە بايتەرەك اۋدانى وزەرنىي اۋىلى ماڭىندا قۇرعاق ءشوپ جانىپ, ورمانعا قاۋىپ توندىرۋدە. قازىرگى ۋاقىتتا وقيعا ءورت سوندىرۋشىلەر جاساعى ەكى ءورتتى ءسوندىرۋ ۇستىندە.
