قازاقستان پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن بريفينگتە ەلباسى جولداۋىندا ايقىندالعان ماقسات-مىندەتتەرگە قاتىستى ءوز ۇسىنىستارى مەن ۇستانىمدارى جونىندە «قازاقستان رەسپۋبليكاسى ازاماتتىق اليانسىنىڭ» ۆيتسە-پرەزيدەنتى سالتانات راحىمبەكوۆا مالىمدەدى.
قازاقستان پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن بريفينگتە ەلباسى جولداۋىندا ايقىندالعان ماقسات-مىندەتتەرگە قاتىستى ءوز ۇسىنىستارى مەن ۇستانىمدارى جونىندە «قازاقستان رەسپۋبليكاسى ازاماتتىق اليانسىنىڭ» ۆيتسە-پرەزيدەنتى سالتانات راحىمبەكوۆا مالىمدەدى.
«قازاقستاندىق جول-2050: ءبىر ماقسات, ءبىر مۇددە, ءبىر بولاشاق» دەگەن اتاۋمەن جاريالانعان جاڭا جولداۋدىڭ ەرەكشەلىگى رەتىندە ول وندا ايتىلعان «ءماڭگىلىك ەل» يدەياسىنا توقتالدى. «بۇل جولداۋدىڭ ناقتى باعىت-باعدارى بار. الداعى ۋاقىتتا ءبىز جان-جاقتى جاڭعىرتۋ جۇمىستارىن جۇرگىزىپ, ينۆەستيتسيانىڭ, عىلىمي-زەرتتەۋلەردىڭ, ەڭبەك ءونىمدىلىگىنىڭ, بيزنەستى دامىتۋدىڭ جوعارى كورسەتكىشتەرىنە قول جەتكىزۋىمىز كەرەك», دەدى ول ءوز سوزىندە.
سپيكەردىڭ ايتۋىنشا, قازاقستاندى دامىتۋدىڭ ءبىرىنشى كەزەڭىندە, ياعني 2014-2030 جىلدار ارالىعىندا XXI عاسىردىڭ «مۇمكىندىكتەر تەرەزەسىن» قولدانا ءبىلۋ كەرەك. «بۇل دەگەنىمىز, ەكونوميكامىزدىڭ ءداستۇرلى سالالارىنىڭ قارقىندى دامۋىن قامتاماسىز ەتۋ جانە مىقتى يندۋستريالىق سەكتور قۇرۋ», دەدى س. راحىمبەكوۆا. ال دامۋدىڭ 2030 جانە 2050 جىلدار ارالىعىن قامتيتىن ەكىنشى كەزەڭىندە ەلدىڭ ورنىقتى دامۋىن عىلىمعا نەگىزدەلگەن ەكونوميكا قاعيدالارى نەگىزىندە قامتاماسىز ەتۋ كەرەك. وسىلاي دەپ ءوز ويىن جەتكىزگەن ازاماتتىق قوعامنىڭ وكىلى مەملەكەت باسشىسى ايقىنداپ كورسەتكەن جەتى مىندەتتىڭ ارقايسىسىن جۇزەگە اسىرۋدا ۇكىمەتتىك ەمەس سەكتور دا كومەككە كەلە الاتىنىنا نازار اۋداردى. ماسەلەن, ونىڭ پىكىرىنشە, يندۋستريالاندىرۋدىڭ باستى باسىمدىقتارىن ايقىنداۋدا, ينۆەستيتسيالاردى تارتۋدا, سالالاردى دامىتۋ جوبالارىنىڭ جوسپارلارىن ازىرلەۋدە, زاڭنامالاردى جەتىلدىرۋگە قاجەتتى ۇسىنىستاردى دايىنداۋدا جانە وتاندىق بيزنەستى دامىتۋعا قولايلى جاعدايلاردى قالىپتاستىرۋدا سالالىق اسسوتسياتسيالار مەن بىرلەستىكتەردىڭ ورنى ەرەكشە.
كەزدەسۋ بارىسىندا ازاماتتىق اليانستىڭ وكىلى, سونداي-اق, ەلدىڭ اۋىل شارۋاشىلىعى سالاسىنا دا توقتالدى. «ەلباسى قازاقستان اۋىل شارۋاشىلىعى ونىمدەرىنىڭ ءىرى وڭىرلىك ەكسپورتتاۋشىلارىنىڭ بىرىنە اينالۋى قاجەتتىگىن, اگرارلىق عىلىمدى دامىتۋ كەرەكتىگىن, تاجىريبە جۇزىندەگى اگرارلىق-يننوۆاتسيالىق كلاستەرلەردى قۇرۋدىڭ ماڭىزدىلىعىن, ول ءۇشىن اگرارلىق ونەركاسىپتىك كەشەندى دامىتۋ جوباسىنا وزگەرىستەر ەنگىزۋگە ءمان بەرۋ قاجەتتىگىن اتاپ وتكەن بولاتىن. پرەزيدەنتتىڭ بۇل تاپسىرماسىن جۇزەگە اسىرۋ ءۇشىن ءبىز اۋىلشارۋاشىلىعى سالاسىنا مەملەكەتتىك قولداۋ كورسەتۋ جۇيەسىنە الەمدىك تاجىريبەنى ەسكەرە وتىرىپ, وزگەرىستەر ەنگىزۋ قاجەت دەپ ەسەپتەيمىز. مەن مىسال رەتىندە ارگەنتينا, برازيليا جانە پولشا ەلدەرىنىڭ تاجىريبەسىن كەلتىرەر ەدىم. وتكەن عاسىردىڭ ورتا تۇسىندا ولار يمپورتتاۋشى ەلدەر بولاتىن, ال بۇگىنگى تاڭدا بۇل مەملەكەتتەر ازىق-ت ۇلىك ونىمدەرىنىڭ ءىرى ەكسپورتتاۋشىلارىنا اينالدى. كەزىندە ولار سۋبسيديالاۋ جۇيەسىن دە وزگەرتكەن-تۇعىن, ال قازىر قولداۋدىڭ بۇل ءتۇرىن تەك يننوۆاتسيالاردى, جاڭا تەحنولوگيالاردى ەنگىزۋگە باعىتتاپ وتىر. ال بۇل بۇكىلالەمدىك ساۋدا ۇيىمىنىڭ قاعيدالارىنا ەش قايشى كەلمەيدى», دەدى ول.
س.راحىمبەكوۆا, سونداي-اق, اگرارلىق سالانى دامىتۋ ءۇشىن مەملەكەت باسشىسىنىڭ تاپسىرمالارىن جۇزەگە اسىرۋ اياسىندا عىلىمدى جوبالىق تۇرعىدا قارجىلاندىرۋ تۇرىنە, ماسەلەن, بۇدان بىلاي ينستيتۋتتاردى, عالىمداردىڭ شىعارماشىلىق ۇجىمىن قارجىلاندىرۋعا كوشۋ قاجەتتىگىنە نازار اۋداردى. ونىڭ پىكىرىنشە, قازاقستاندىق جاعدايعا سايكەس كەلەتىن «جاسىل ەكونوميكانىڭ» نەگىزىندە ەنەرگيا تيىمدىلىگى, رەسۋرستاردى ۇنەمدەۋ, ورگانيكالىق اۋىل شارۋاشىلىعى جاتىر. وسى ورايدا, ول وسى سالاعا مۇددەلى ۆەدومستۆونىڭ «جاسىل تەحنولوگيالار» ءتىزىلىمىن ەنگىزۋىنە, «جاسىل كاسىپكەرلىككە», ەكولوگيالىق تۋريزمگە قولداۋ كورسەتۋىنە جاعداي جاساۋ قاجەتتىگىنە توقتالدى. «جاسىل ەكونوميكا» شاعىن جانە ورتا بيزنەستى, ءبىرىنشى كەزەكتە وتباسىلىق بيزنەستى دامىتۋعا مۇمكىندىك اشادى. بۇگىندە ءبىز بۇل باعىتتا جۇزەگە اسقان جوبالاردىڭ بارىنا كوز جەتكىزىپ ءجۇرمىز. سونداي-اق, ستراتەگيالىق قۇجاتتا ايتىلعان تاعى ءبىر ماڭىزدى باعىتتار – ءبىلىم بەرۋ مەن دەنساۋلىق ساقتاۋ سالالارىن جەتىلدىرۋ جونىندەگى ماسەلەلەرگە دە قولداۋ كورسەتكىمىز كەلەدى», دەدى س.راحىمبەكوۆا.
ءلايلا ەدىلقىزى,
«ەگەمەن قازاقستان».
