پرەزيدەنت جارلىعىمەن بەكىتىلگەن ارنايى توسبەلگى مەن قۇجاتتى اكادەميككە قر مەملەكەتتىك حاتشىسى قىرىمبەك كوشەربەك تابىس ەتتى. ەلباسى مەن مەملەكەت باسشىسىنىڭ دۇعايى سالەمىن جەتكىزگەن مەملەكەتتىك حاتشى تورەگەلدى شارمانوۆقا دەنساۋلىق ساقتاۋ سالاسىنداعى ەرەن ەڭبەگى ءۇشىن العىس ءبىلدىردى. قىرىمبەك كوشەرباەۆ اكادەميكتىڭ دەنساۋلىق ساقتاۋ سالاسىنا قوسقان ۇلەسى ۇشان تەڭىز ەكەنىن ايتىپ, قازاق ەلى عانا ەمەس تمد-نىڭ مەديتسيناسىن العا سۇيرەگەن ازاماتتىڭ ءبىرى ەكەنىن تىلگە تيەك ەتتى. ونىڭ ناقتى مىسالى رەتىندە 1978 جىلى الماتىدا قابىلدانعان حح عاسىرداعى دەنساۋلىق ساقتاۋ سالاسىنىڭ حارتياسى. بۇل قۇجات ءالى كۇنگە دەيىن دۇنيەجۇىزىلىك دەنساۋلىق ساقتاۋ سالاسىنىڭ ءبىر ماقتانىشى سانالادى ەكەن.
«وتكەن جىلى ددسۇ ءوزىنىڭ كونفەرەنتسياسىندا الماتى دەكلاراتسياسىنىڭ ءححى عاسىردا دا وزەكتى ەكەنىن ايتىپ, دەنساۋلىق ساقتاۋ سالاسىنداعى باستى باسىمدىق رەتىندە العاشقى مەديتسينالىق كومەك قالا بەرەدى دەپ قاۋلى قابىلدادى. دەنساۋلىق ساقتاۋ سالاسىنىڭ بولاشاعىن جانە نەگىزگى باسىمدىقتارىن ايقىنداعان ۇلكەن قۇجاتتىڭ قازاق جەرىندە, الماتىدا قابىلدانعانى, ونىڭ ىشىندە تورەگەلدى شارمان ۇلىنىڭ باستاماسى بولعانىن ءبىز ماقتانىشپەن ايتامىز.
ال توقساننىڭ تورىنە شىققان اكادەميك بۇگىندە دۇرىس تاماقتانۋ باعىتىندا تولايىم تابىستارعا جەتىپ, مەديتسينا مەن ۇلتتىق ءداستۇردى ۇشتاستىرعان عالىم وسكەلەڭ ۇرپاقتى تاربيەلەۋدە ەرەن ەڭبەك ءسىڭىرىپ كەلەدى», دەدى قىرىمبەك كوشەرباەۆ.
ءوز كەزەگىندە تورەگەلدى شارمانوۆ ەلباسى مەن مەملەكەت باسشىسىنا العىس ايتتى. جاستارعا وسيەتىن جەتكىزدى.
«ەڭ باستىسى, ەرىنبەي ەڭبەك ەتۋ كەرەك. حالىققا, ەلگە, ورتاڭا ادال قىزمەت قىلساڭ, باق پەن بەرەكە ءوز اياعىمەن كەلەدى», دەدى تورەگەلدى شارمانوۆ.
