جامبىل وبلىسى مويىنقۇم اۋدانىنداعى تسەمەنت زاۋىتى قازىر تولىق قۋاتىنا شىقتى. ۇدەمەلى يندۋستريالىق-يننوۆاتسيالىق دامۋ باعدارلاماسى شەڭبەرىندە سالىنعان كاسىپورىنعا بارلىعى 34,9 ملرد. تەڭگە قارجى جۇمسالدى. كاسىپورىن بۇگىندە 236 ادامدى جۇمىسپەن قامتىپ وتىر.
جامبىل وبلىسى مويىنقۇم اۋدانىنداعى تسەمەنت زاۋىتى قازىر تولىق قۋاتىنا شىقتى. ۇدەمەلى يندۋستريالىق-يننوۆاتسيالىق دامۋ باعدارلاماسى شەڭبەرىندە سالىنعان كاسىپورىنعا بارلىعى 34,9 ملرد. تەڭگە قارجى جۇمسالدى. كاسىپورىن بۇگىندە 236 ادامدى جۇمىسپەن قامتىپ وتىر.
اقمولا وبلىسى ستەپنوگور قالاسىنداعى كۇكىرت قىشقىلى زاۋىتى جىلدىڭ ەكىنشى جارتىسىندا ىسكە قوسىلادى. جىلىنا 180 مىڭ توننا ءونىم شىعارۋعا لايىقتانعان ونەركاسىپ ورنىنىڭ جوبالىق قۇنى 12,23 ملرد. تەڭگەنى قۇرايدى.
شىعىس قازاقستان وبلىسى ءۇرجار اۋدانىندا شاعىن گيدروەلەكتر ستانساسى سالىنباقشى. اۋداننىڭ قاراقول سۋ قويماسىندا قانات جاياتىن قۇرىلىم قۇرىلىسىن قىتاي فيرماسى جۇرگىزەدى. ايماقتا بالامالى قۋات كوزىن ءوندىرۋدىڭ ءبىر نىسانى بولىپ تابىلاتىن ستانسا 12 كاسىپورىندى ەلەكتر جارىعىمەن قامتاماسىز ەتەدى.
قىزىلوردا وبلىسى قازالى اۋدانىندا يندۋستريالىق-يننوۆاتسيالىق دامۋ باعدارلاماسى بويىنشا 2 جوبا جۇزەگە استى. وتكەن جىلى اۋداندا جالپى 12 جوبا يندۋستريالاندىرۋ كارتاسىنا ەنگىزىلسە, سولاردىڭ 9-ى قازىر پايدالانۋعا بەرىلىپ قويدى.
اقتاۋ حالىقارالىق اۋەجايىنا پاركومات جۇيەسى ورناتىلدى. ەندى مۇندا كەلگەن اۆتوموبيلدەر جولاۋشىلار تەرمينالى الاڭىندا 15 مينۋت قانا تەگىن تۇرا الادى. ودان ارعى ۋاقىتتىڭ بارىنە تاريف بويىنشا اقى تولەيتىن بولادى.
اقتوبە وبلىسىنىڭ پروكۋراتۋراسى مارشرۋتتاعى «گازەل» كولىكتەرىن الىپ تاستاۋدى تالاپ ەتۋدە. وسىعان وراي «تروللەيبۋس پاركى» اق ءۇشىن قالا كوشەلەرىندەگى 46 باعىتتا جۇرگەن وسىنداي كولىكتەردىڭ ورنىنا جايلى جولاۋشىلار اۆتوبۋستارىن شىعارۋ مىندەتى قويىلدى.
Egemen.kz حابارلارى مەن وبلىستىق اكىمدىكتەر
سايتتارىنىڭ ماتەريالدارى بويىنشا دايىندالدى.
