ەلىمىزدىڭ بارلىق وڭىرىندەگى ورتا مەكتەپتەن 20 586 وقۋشى «كاسىبي باعدار» جوباسى اياسىندا 85 ءتۇرلى ترەنينگتەن ءوتتى. ولار ء«تيىمدى كوممۋنيكاتسيالار, شەشەندىك شەبەرلىك», «جوبالىق ويلاۋ», «كاسىبي باعدارلاۋ جانە مانساپتىق تراەكتوريانى قۇرۋ», «ەموتسيونالدى ينتەللەكت», «كوماندالىق جۇمىس» سىندى بەس باعىتقا توپتاستىرىلعان.
ترەنينگكە قاتىسۋشىلار جوبالىق مەنەدجمەنت, جوبالاردى باسقارۋ, بيۋدجەت جوسپارىن قۇرۋ نەگىزدەرىمەن تانىسىپ, شەشەندىك ونەر بويىنشا داعدىسىن جەتىلدىردى. سونداي-اق ءوز قابىلەتى مەن ماقسات-مۇددەسىن ەسكەرە وتىرىپ, ۋاقىت ۇردىسىنە سايكەس ماماندىق تاڭداۋدى مەڭگەردى.
جوبانىڭ باستى ماقساتى – جاستاردىڭ قازىرگى زاماندا سۇرانىسقا يە ماماندىقتارعا داعدىسى مەن بەيىمىن ارتتىرۋ.
جىل سوڭىنا دەيىن ورتا مەكتەپتەردىڭ كەمىندە 20 مىڭ وقۋشىسىنا پسيحولوگيالىق دياگنوستيكا مەن تەستىلەۋ جۇرگىزۋ جوسپارلانعان. ول «EduNavigator» كاسىبي باعدار بەرۋ پلاتفورماسى بازاسىندا ونلاين-رەجيمدە وتەدى.
سونىمەن قاتار, جوبا اياسىندا ەكونوميكاداعى جەتەكشى سالا ماماندارىمەن جانە قازاقستان مەن شەتەل ۋنيۆەرسيتەتتەرىنىڭ تۇلەكتەرىمەن ونلاين-كەزدەسۋلەر وتكىزىلىپ, ماماندىق تاڭداۋعا ارنالعان بەينەروليكتەر ازىرلەندى.
جوبانىڭ نەگىزگى سەرىكتەستەرى: قر پرەزيدەنتى «بولاشاق» حالىقارالىق ستيپەندياسى تۇلەكتەرىنىڭ قاۋىمداستىعى, «BTS Education» جانە «International Academy of Emotional Intelligence» كومپانيالارى.
ەستەرىڭىزگە سالا كەتەيىك, «كاسىبي باعدار» جوباسىن «ازاماتتىق جانە قۇقىقتىق باستامالاردى دامىتۋ» قوعامدىق قورى قر اقپارات جانە قوعامدىق دامۋ مينيسترلىگى مەن ازاماتتىق باستامالاردى قولداۋ ورتالىعىنىڭ قولداۋىمەن جۇزەگە اسىرادى.
