قازاقستان • 20 تامىز، 2021

جىل باسىنان بەرى 5،5 مىڭعا جۋىق جۇمىس ورنى اشىلدى

108 رەت كورسەتىلدى

2021 جىلعى 1 تامىزداعى جاعداي بويىنشا جۇمىسپەن قامتۋدىڭ 2020-2021 جىلدارعا ارنالعان جول كارتاسى شەڭبەرىندە ورتاشا جالاقىسى 92 مىڭ تەڭگە بولاتىن 5،5 مىڭ جۇمىس ورنى اشىلدى، دەپ حابارلايدى Egemen.kz قر ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتىنە سىلتەمە جاساپ.

جۇمىسپەن قامتۋدىڭ جول كارتاسى جوبالارى 4 نەگىزگى باعىتقا بولىنگەن:

  • حالىقتىڭ ءومىر ءسۇرۋ ساپاسىن ارتتىرۋ;
  • شوب ءۇشىن قارجىلاندىرۋدىڭ قولجەتىمدىلىگىن ارتتىرۋ;
  • اگروونەركاسىپتىك كەشەندى دامىتۋ;
  • وڭىرلەردە بيزنەستى دامىتۋ.

قازىرگى ۋاقىتتا جۇمىسپەن قامتۋدىڭ جول كارتاسى اياسىندا 161 ينفراقۇرىلىمدىق جوبادا قۇرىلىس جۇمىستارى جۇرگىزىلۋدە، تاعى 38-ءى ىسكە اسىرۋدىڭ باستاپقى كەزەڭىندە تۇر.

جۇمىسپەن قامتۋدىڭ جول كارتاسى اياسىندا 2021 جىلى بارلىق باعىتتار بويىنشا 40،9 مىڭ جۇمىس ورنى قۇرىلادى، ونىڭ 28،3 مىڭنان استامى تۇراقتى جۇمىس ورىندارى بولادى. جۇمىس ىزدەپ جۇرگەن قازاقستاندىقتار تۇرعىلىقتى جەرى بويىنشا حالىقتى جۇمىسپەن قامتۋ ورتالىقتارىنا بارۋ ارقىلى جقجك شەڭبەرىندە ينفراقۇرىلىمدىق جوبالاردى ىسكە اسىرۋعا قاتىسا الادى. حالىقتى جۇمىسپەن قامتۋ ورتالىقتارى ۋاقىتشا تىركەلگەن ادامداردى قوسا العاندا، جۇمىسپەن قامتۋ ورگاندارىندا جۇمىس ىزدەپ جۇرگەن ادامدار، جۇمىسسىزدار رەتىندە تىركەلگەندەر، سونداي-اق جۇمىستان بوساتىلاتىن ادامدار، جالاقىسى ساقتالمايتىن دەمالىستا جۇرگەن ادامدار، ستۋدەنتتەر قاتارىنان قاجەتتى بىلىكتىلىگى بار مامانداردى ىرىكتەپ، ولاردى ينفراقۇرىلىمدىق جوبانى ىسكە اسىراتىن جۇمىس بەرۋشى-مەردىگەرگە جىبەرەدى.

حجقو ارقىلى ينفراقۇرىلىمدىق جوبالارعا جۇمىسقا ورنالاستىرۋ كەزىندە جۇمىسسىز جاستارعا، NEET ساناتىنداعى جاستارعا، سونداي-اق دەنساۋلىعىنا زيان كەلتىرمەيتىن جانە وقۋ پروتسەسىن بۇزبايتىن جۇمىستاردا ستۋدەنتتەرگە باسىمدىق بەرىلەدى. حجقو قاجەت بولعان جاعدايدا ينفراقۇرىلىمدىق جوباعا جۇمىسقا ورنالاستىرۋعا كەپىلدىك بەرە وتىرىپ، ءتيىستى جۇمىستاردى ورىنداۋ ءۇشىن جۇمىس بەرۋشى-مەردىگەردىڭ نەمەسە قوسالقى مەردىگەردىڭ وتىنىمدەرى بويىنشا كادرلاردى قايتا دايارلاۋدى قامتاماسىز ەتەدى.

حجقو باعىتتارى بويىنشا جۇمىسقا ورنالاسقانداردىڭ جالاقى مولشەرى سالىقتاردى، الەۋمەتتىك تولەمدەردى جانە ەكولوگيالىق ۇستەمەاقىلار بويىنشا تولەمدەردى ەسەپكە الماعاندا، پايدالانىلماعان ەڭبەك دەمالىسى ءۇشىن وتەماقىنى ەسكەرە وتىرىپ، ەڭ تومەنگى جالاقىنىڭ كەمىندە ەكى مولشەرى (83 مىڭ تەڭگە) دەڭگەيىندە بەلگىلەنەدى.

سوڭعى جاڭالىقتار

دوللار ارزاندادى

قارجى • بۇگىن، 16:22

شىمكەنتتە دە LRT سالىنۋى مۇمكىن

ايماقتار • بۇگىن، 12:50

دوللار باعاسى تاعى قىمباتتادى

ەكونوميكا • بۇگىن، 10:32

ۇقساس جاڭالىقتار