ماۋسىم ايىنىڭ سوڭىندا ۋسپەن اۋدانىنىڭ قوزىكەتكەن اۋىلىندا 22 جاستاعى جەرگىلىكتى تۇرعىن تانىسىمەن جانجالداسىپ, وعان پىشاق جاراقاتىن سالعان. زارداپ شەگۋشى وقيعا ورنىندا كوز جۇمعان.
«اۋىل تۇرعىنى قىلمىستىڭ كۋاگەرى بولا تۇرا پوليتسياعا بولعان وقيعا تۋرالى حابارلاۋدىڭ ورنىنا, زاتتاي دالەلدەمەلەردەن ارىلۋعا تىرىسقان. ول قىلمىس قۇرالى مەن مارقۇمنىڭ زاتتارىن جاسىرعان», دەپ ءتۇسىندىردى پاۆلودار وبلىستىق پوليتسيا دەپارتامەنتى باستىعىنىڭ ءبىرىنشى ورىنباسارى جاسقايرات قايىروۆ.
پاۆلودار وبلىسىنىڭ پد حابارلاعانداي, كۇدىكتىلەر قىلمىس جاساعاننان كەيىن اۋداننان كەتۋدى جوسپارلاعان, بىراق بىرنەشە ساعاتتان كەيىن پوليتسيا ولاردىڭ ىزىنە ءتۇسىپ, قاماۋعا العان.
قىلمىسكەرگە قاتىستى قر قك 106-بابىنىڭ 3-بولىگى بويىنشا سوتقا دەيىنگى تەرگەۋ امالدارى جۇرگىزىلۋدە. قر قك 432-بابى بويىنشا قىلمىستى جاسىرعان ايەلگە قاتىستى سوتقا دەيىنگى تەرگەۋ باستالدى.
