ەلباسى نۇرسۇلتان نازارباەۆ «استانا ەكسپو-2017» ۇلتتىق كومپانياسى» اق باسقارما توراعاسى تالعات ەرمەگياەۆتى قابىلدادى, دەپ حابارلادى پرەزيدەنتتىڭ ءباسپاسوز قىزمەتى.
ەلباسى نۇرسۇلتان نازارباەۆ «استانا ەكسپو-2017» ۇلتتىق كومپانياسى» اق باسقارما توراعاسى تالعات ەرمەگياەۆتى قابىلدادى, دەپ حابارلادى پرەزيدەنتتىڭ ءباسپاسوز قىزمەتى.
مەملەكەت باسشىسىنا ت.ەرمەگياەۆ استانادا حالىقارالىق ەكسپو-2017 مامانداندىرىلعان كورمەسىن وتكىزۋگە دايىندىق بارىسى مەن بيىلعى جىلعا ارنالعان جوسپارلار تۋرالى باياندادى.
نۇرسۇلتان نازارباەۆ نىساندار قۇرىلىسىنا وتاندىق كومپانيالاردى تارتۋدىڭ ماڭىزدىلىعىن اتاپ ءوتتى.
– ەكسپو-2017 كورمەسىنىڭ ۇلكەن كەشەندەرىنىڭ سالىنۋىن شاعىن جانە ورتا بيزنەستى دامىتۋ ءۇشىن پايدالانعان ءجون. ەڭ الدىمەن ساپا دەڭگەيىنە سايكەس كەلەتىن قازاقستاندىق قۇرىلىس كومپانيالارىن تارتۋ قاجەت. قولدانىلاتىن قۇرىلىس ماتەريالدارى دا قازاقستاندىق بولۋعا ءتيىس, ول وتاندىق بيزنەستىڭ جۇمىس ىستەۋىنە مۇمكىندىك بەرەدى. بۇل رەتتە ساپانى قاداعالاۋ قاجەت جانە ءتيىستى ماماندار بولۋى كەرەك. ەلىمىزدىڭ ءىرى كومپانيالارى دۋالدى وقىتۋ باعدارلاماسىن ىسكە اسىرۋدا. ولاردىڭ تاجىريبەسىنە قاراپ, سوعان ۇقساس باعدارلاما ازىرلەۋ – جاستاردى ىرىكتەۋ, ولاردى وقىتۋ, ەكسپو-2017 كورمەسىنە دايىندىق پەن وتكىزۋ بارىسىنداعى جۇمىسقا ماماندار دايارلاۋ قاجەت. ماماندار مەن كومپانيالاردى قازاقستاننىڭ بارلىق وڭىرىنەن تارتۋ كەرەك. تاعى دا قايتالاپ ايتامىن, بارلىق نىساندار كەيىن دە حالقىمىز بەن ەلوردامىزدىڭ يگىلىگىنە پايدالانىلۋعا ءتيىس, – دەدى قازاقستان پرەزيدەنتى.
مەملەكەت باسشىسى نازارباەۆ ۋنيۆەرسيتەتىمەن بىرلەسىپ ەنەرگيا ينستيتۋتىن قۇرۋ مۇمكىندىگىن اتاپ ءوتتى.
– بۇل عىلىمي مەكەمە جاڭا ەنەرگيا كوزدەرىن زەرتتەۋمەن اينالىساتىن بولادى. شەت ەلدەردىڭ تاجىريبەسىن جيناقتاپ, ولارعا زەرتحانالىق جاعدايدا تالداۋ جۇرگىزۋ مۇمكىندىگىن قاراستىرعان ءجون. بۇگىننىڭ وزىندە ماعان سان الۋان ەنەرگيا تۇرلەرىنىڭ ازىرلەمەلەرى جوبالارىن جولداۋدا. ولاردى ىسكە اسىرۋ ماسەلەسىن قاراستىرعان ابزال, – دەدى مەملەكەت باسشىسى.
«ەكسپو-2017» ۇلتتىق كومپانياسى» اق باسقارما توراعاسى 2014 جىلى قۇرىلىستىڭ باستالۋى جانە حالىقارالىق كورمەلەر بيۋروسىنىڭ رەسمي تۋىن الۋ جوسپارلانعانىنان حاباردار ەتتى.
– 2013 جىلعى جەلتوقسان ايىندا كورمەنى وتكىزۋگە بايلانىستى تىركەۋ رەسىمدەرىنىڭ ءبارى اياقتالدى. قازىرگى ۋاقىتتا بارلىق ماسەلە اي سايىن ۇكىمەتتىك كوميسسيادا شەشىلۋدە. بۇگىنگى كۇنى ءىس-شارالار جۇمىس كەستەسىنە سايكەس جۇرگىزىلۋدە, ولقىلىق پەن كەشىگۋ جايتتارى جوق. كورمە اياسىنداعى نىساندار قۇرىلىسىنىڭ باستالۋى وسى جىلدىڭ ءساۋىر ايىنا جوسپارلانىپ وتىر, – دەدى ت.ەرمەگياەۆ.
كەزدەسۋ قورىتىندىسىندا مەملەكەت باسشىسى قارالعان ماسەلەلەر بويىنشا بىرقاتار ناقتى تاپسىرمالار بەردى.
-----------------------------------------
سۋرەتتەردى تۇسىرگەندەر
س.بوندارەنكو, ب.وتارباەۆ.
