وبلىس اكىمىنىڭ ايتۋىنشا, فيزيكالىق ءوسىم يندەكسى 5 پايىزعا جەتسە, نەگىزگى كاپيتالعا سالىنعان ينۆەستيتسيا 5 پايىزدان اسقان. اۋىل شارۋاشىلىعى مەن قۇرىلىس سالالارىندا دا ەداۋىر ءوسىم بايقالادى.
كەزدەسۋدە ەكونوميكانى ودان ءارى دامىتۋ پەرسپەكتيۆالارى تالقىلاندى. اتاپ ايتقاندا, ءوندىرىس قارقىنىن ەكى ەسە ارتتىرۋعا مۇمكىندىك بەرەتىن «اقتوعاي» مەتاللۋرگيا كەشەنىنىڭ ەكىنشى كەزەگىن اياقتاۋ ماسەلەسى ءسوز بولدى.
سونىمەن قاتار پرەزيدەنتكە وڭىردەگى ءبىلىم بەرۋ نىساندارىن ءداستۇرلى فورماتقا كوشىرۋگە دايىندىق جۇمىستارى تۋرالى اقپارات بەرىلدى. ءبىلىم بەرۋ سالاسىنىڭ قىزمەتكەرلەرى تۇگەلدەي دەرلىك ۆاكتسينا سالدىرعان. جالپى, وبلىستا كۇنىنە 10 مىڭ ادامعا ۆاكتسينا سالىنادى. نەگىزگى كونتينگەنتكە قىركۇيەك ايىنىڭ سوڭىنا دەيىن ۆاكتسينانىڭ ءبىرىنشى كومپونەنتى, ال قازان ايىنىڭ سوڭىنا دەيىن ەكىنشى كومپونەنتى سالىنادى.
جالپى 747 مىڭ ادامعا ەكپە سالۋ جوسپارلانعان. دانيال احمەتوۆ مەملەكەت باسشىسىن بۇقارالىق سپورتتى دامىتۋ جونىندە بەرگەن تاپسىرمالارىنىڭ ورىندالۋ بارىسى تۋرالى دا حاباردار ەتتى. مەكتەپتەگى سپورتتى دامىتۋعا قوسىمشا 890 ميلليون تەڭگە بولىنگەن. بۇگىندە مەكتەپ وقۋشىلارىنىڭ 50 پايىزدان استامىنىڭ سپورتپەن شۇعىلدانۋعا مۇمكىندىگى بار.
بيىل تاعى 15 ءىرى سپورت نىسانىنىڭ قۇرىلىسىن اياقتاۋ جوسپارلانعان. قاسىم-جومارت توقاەۆ مەملەكەتتىك الەۋمەتتىك مىندەتتەمەلەردى ورىنداۋ ماڭىزدى ەكەنىن اتاپ ءوتىپ, وڭىردەگى كوپبالالى جانە از قامتىلعان وتباسىلارعا ۇزدىكسىز كومەك كورسەتۋدى تاپسىردى.
