جاقىندا بەلگىسىز بىرەۋلەردىڭ شابۋىلىنا ۇشىراعانىنا قاراماستان, تايلاندتىڭ وپپوزيتسيالىق كۇشتەرى ۇكىمەتتىڭ وتستاۆكاعا كەتۋىن تالاپ ەتىپ, كۇندەلىكتى نارازىلىق شەرۋىنە شىعۋدا. بۇل تۋرالى يتار-تاسس حابارلادى.
بۇگىن ەرەۋىلشىلەر بانگكوكتىڭ ورتالىق كوشەلەرىمەن تاعى دا ءجۇرىپ ءوتتى. ولاردىڭ قاتارىنا تايلاند مەديكتەرى كاسىپقوي بىرلەستىگىنىڭ مۇشەلەرى دە قوسىلدى. ۇستىلەرىنە اق حالات كيگەن جەرگىلىكتى اۋرۋحانالاردىڭ دارىگەرلەرى مەن مەدبيكەلەرى قولدارىنداعى قىزىل كرەست سالىنعان جالاۋلارىن جەلبىرەتىپ, كوشەگە شىقتى.
قالا ىشىندە نارازىلىق شەرۋىن وپپوزيتسيا ليدەرى سۋتەپ تاۋگسۋبان باستاپ ءجۇردى. وعان ەكى اي بۇرىن مەملەكەتتىك ساتقىندىق جاسادى دەگەن ايىپ تاعىلىپ, قاماۋعا الۋ جونىندە وردەر شىعارىلعان بولاتىن. الايدا, تايلاند بيلىگى ءالى كۇنگە دەيىن وپپوزيتسيا جەتەكشىسىن قاماۋعا الۋ ءۇشىن ەشبىر شارا قولدانباي كەلەدى.
ايدار ورىسباەۆ.
دەرەككوز: Itar-tass.com
فوتو: Ria.ru
