الداعى اقپان ايىندا رەسەيدىڭ سوچي قالاسىندا وتەتىن XII قىسقى وليمپيالىق ويىنداردا قازاقستان قۇراماسىنىڭ تۋ ۇستاۋشىسى بولىپ شاڭعىشى ەردوس احماديەۆ بەكىتىلدى. وسىعان وراي ءبىز وعان بىرنەشە سۇراق قويعان ەدىك.
الداعى اقپان ايىندا رەسەيدىڭ سوچي قالاسىندا وتەتىن XII قىسقى وليمپيالىق ويىنداردا قازاقستان قۇراماسىنىڭ تۋ ۇستاۋشىسى بولىپ شاڭعىشى ەردوس احماديەۆ بەكىتىلدى. وسىعان وراي ءبىز وعان بىرنەشە سۇراق قويعان ەدىك.
– ەردوس, ءوزىڭنىڭ سوچيدە قازاقستان قۇراماسىنىڭ تۋ ۇستاۋشىسى بولىپ شىعاتىنىڭدى ءبىرىنشى رەت قاشان جانە كىمنەن ەستىدىڭ؟
– مۇنى ماعان باس جاتتىقتىرۋشىمىز جەتكىزدى. ول مەنىڭ وليمپيادادا تۋ الىپ ءجۇرۋىم مۇمكىن ەكەنىن ايتتى. مەنەن باسقا دا بىرنەشە ۇمىتكەر بولىپتى. بىراق ءبىزدىڭ باسشىلىق مۇنى ماعان سەنىپ تاپسىردى.
– ءبىرىنشى ەستىگەن ساتتە قانداي كوڭىل-كۇيدە بولدىڭ؟
– ارينە, بۇل مەن ءۇشىن كۇتپەگەن جاڭالىق بولدى. دەگەنمەن, قاتتى قۋاندىم. مۇنداي قۇرمەت جۇرتتىڭ بارىنە بىردەي بەرىلە بەرمەيدى عوي. جانە بەرىلگەندە دە عۇمىرىندا ءبىر-اق رەت كەزدەسەدى.
– ساعان مۇنداي مارتەبە العان سپورتشىعا كەرەكتى ولشەمدەر ايتىلدى ما؟
– جوق, ايتىلعان جوق. مەن ونىڭ كريتەريىن قازىر دە بىلمەيمىن.
– ءوزىڭنىڭ سوچيدەگى مۇمكىندىگىڭدى قالاي باعالايسىڭ؟
– وليمپيادادا الەمنىڭ ەڭ مىقتى اتلەتتەرىنىڭ جارىس جولىنا شىعاتىنى ەشكىمگە قۇپيا ەمەس. دەمەك, مەن دە ءوز شامامدى بىلەمىن. ەگەر العاشقى وندىققا كىرسەم, ماقساتىمنىڭ ورىندالعانى. جانە وعان مۇمكىندىگىم دە بار دەپ ەسەپتەيمىن.
– ال قالعان شاڭعىشىلارىمىز اراسىندا مەدال الا الاتىندار بار ما؟
– بار. ءبىزدىڭ جىگىتتەر كوپتەگەن حالىقارالىق جارىستاردا وزدەرىن جاقسى تانىتىپ كەلەدى, ولاردىڭ الەم كۋبوگى جولىنداعى سايىستارى دا تابىسسىز ەمەس. ونىڭ بىرنەشە كەزەڭىندە وتە جاقسى كورسەتكىشتەرگە جەتكەندەر بار. ولار ەندى وليمپيادا مەدالى ءۇشىن دە بارىن سالادى دەپ ويلايمىن.
دامير قوجامقۇل.
