كوروناۆيرۋس • 18 تامىز، 2021

اللەرگياسى بار ادامدار ۆاكتسينا سالدىرا الا ما؟

299 رەت كورسەتىلدى

قازاقستاندا كوروناۆيرۋس پاندەمياسىمەن كۇرەس جونىندەگى «ەل ءۇشىن ەگىلەمىن» ازاماتتىق شتابىنىڭ مۇشەسى، اللەرگولوگ رافاەل روزەنسوننىڭ ايتۋىنشا، كوروناۆيرۋسقا قارسى ۆاكتسيناعا اللەرياسى بارلار ادامدار سيرەك كەزدەسەدى، دەپ حابارلايدى Egemen.kz.

«قانداي ساناتتاعى ازاماتتارعا ەكپە الۋعا بولمايتىندىعى تۋرالى سان مارتە رەت ايتىلدى. بىراق «ەگەر ۆاكتسينانىڭ ءبىرىنشى كومپونەنتىن العان ادامدا اللەرگيا بايقالسا، وعان ەكىنشىسى سالىنا ما؟» دەگەن ساۋال كوپشىلىكتى مازالاپ ءجۇر. بۇنداي جاعداي وتە سيرەك بولادى. بىراق مەنىڭ تاجىريبەمدە بۇنداي جاعداي كەزدەستى. ماسەلەن، «سپۋتنيك V» ەكپەسىنىڭ ءبىرىنشى كومپونەنتىن العان ايەلدە اللەرگيالىق رەاكتسيا بايقالدى. ەندى وعان ەكىنشىسى سالىنبايدى. قازىر ءبىز ايەلگە قۇرامى جاعىنان قارسى كورسەتىلىمدەرى جوق ۆاكتسينانى تاڭداپ جاتىرمىز»، دەيدى رافاەل روزەنسون.

ونىڭ ايتۋىنشا، ۆاكتسينا الماس بۇرىن اللەرگيالىق اسقىنۋدى ەمدەپ العان ءجون. بۇل كوبىنەسە ماۋسىمدىق اللەرگيالارعا قاتىستى.

«جاز شىعىپ، اينالا جاسىل جەلەككە ورانعاندا ەل اراسىندا «پوللينوز» دەپ اتالاتىن اللەرگيا ۋشىعادى. ەندى ونىڭ اياقتالۋىنا دا كوپ قالعان جوق. سودان كەيىن ەش قورىقپاي ۆاكتسينا الا بەرۋگە بولادى»، دەپ ءتۇسىندىردى اللەرگولوگ.

سوڭعى جاڭالىقتار

اينالما جولدىڭ ازابى

ايماقتار • كەشە

ۇقساس جاڭالىقتار