«قازاقستاننىڭ اۆياتسيالىق اكىمشىلىگى» اق وتاندىق اۆياكومپانيالاردىڭ ازاماتتىق اۋە كەمەلەرىمەن اۋعانستاننىڭ اۋە كەڭىستىگىن پايدالانۋ بويىنشا قاۋىپ-قاتەرگە جانە تاۋەكەلدەر باسقارمالارىنا باعالاۋ جۇرگىزدى.
«اۋعانستان اۋماعىنا جانە ونىڭ اۋە كەڭىستىگىنىڭ ۇستىنەن ۇشۋدى جۇزەگە اسىرۋ كەزىندە جولاۋشىلار مەن اۋە كەمەلەرىنىڭ قاۋىپسىزدىگىنە اسەر ەتەتىن تاۋەكەلدەر مەن قاتەرلەر بار دەپ شەشىلدى», دەپ مالىمدەدى قازاقستاننىڭ اۆياتسيالىق اكىمشىلىگى.
جۇرگىزىلگەن باعالاۋ ناتيجەلەرى نەگىزىندە 16 تامىزدا «قازاقستاننىڭ اۆياتسيالىق اكىمشىلىگى» اق تۇراقتى, جۇك جانە چارتەرلىك اۆياتاسىمالداردى ورىندايتىن قازاقستاننىڭ اۆياكومپانيالارىنا اعىمداعى جاعداي تۇراقتالعانعا دەيىن ازاماتتىق اۋە كەمەلەرىنىڭ اۋعانستان اۋماعىنا جانە ونىڭ اۋە كەڭىستىگىنىڭ ۇستىنەن بارلىق ۇشۋلارعا تىيىم سالۋى تۋرالى ءتيىستى نۇسقاۋلار جىبەردى. وسىعان ۇقساس نۇسقاۋ «قازاەروناۆيگاتسيا» رمك-عا جىبەرىلدى.
